Translit
Билим алыргъа талпыннганла
02.12.2016
0
409
Ариўла, субайла, тизгинлиле, жарыкъ кёллюле... Алай болгъанлыкъгъа, бираз сагъышлыла. Аланы жашаўларыны бир такъыйкъалары заманнга бойсунмай, тарыхны теренинден бюгюннгю кюнню жарытады. Кимле болурла бу мёлек сыфатлыла?
Сурат 1939 жылда Нальчикде алыннганды. Бизге белгили болгъаннга кёре, барысы да таўлу къызладыла, Къабарты-Малкъар педучилищени окъуўчулары. Биринчи тизгин (солдан онгнга): Ностуланы Ибрагимни къызы Кизика, Гергъокъланы Солтанбекни къызы Кёккёз, Гергъокъланы Ахматны къызы Лейля. Экинчи тизгин (солдан онгнга): Улбашланы Доммайны къызы Айшат, Газаланы Нухну къызы Зулейха, Гергъокъланы Кичаўну къызы Фазилят.
Быланы араларында жаланда Айшатны юсюнден айталлыкъбыз. Ол 1923 жылда Яникойда туўгъанды. Отуз бешинчи жылда атасы Доммайны, алты сабийи болгъан кишини, малынг-мюлкюнг барды деп кулакгъа чыгъарып, илишаннга салгъандыла. Юйде тамата Айшат эди. Сабийлени тёгерегине жыйып, барысына да ол къарагъанды.
Андан тышында да, окъуўгъа киреди. Нальчикде педучилищени таўусады. Кёчгюнчюлюкню кезиўюнде уа Къыргъызстаннга тюшеди. Фрунзе областьда Ивановка элде жашагъанды. Школда устаз болуп ишлегенди. 1947 жылда уа Деўаланы Хусей бла юйюр къурайды. Алагъа тёрт жаш бла бир къыз туўгъанды. Азиядан къайтхандан сора уа Айшат юйюрю бла Яникойда тохташады. Быйыл апрельде аўушханды. Жаннет чырагъы болсун.
Башында сагъыннганыбызча, башха къызланы юслеринден хапарыбыз жокъду. Билгенле бар эселе, сёлешигиз, жазыгъыз.
Комментариев нет