Расширенный поиск
1 Декабря  2023 года
Логин: Регистрация
Пароль: Забыли пароль?
  • Кёзден кетген, кёлден да кетеди.
  • Тили узунну, намысы – къысха.
  • Телиге от эт десенг, юйюнге от салыр.
  • Ата Джуртуму башы болмасам да, босагъасында ташы болайым.
  • Къарын къуру болса, джюрек уру болур.
  • Ётюрюкню къуйругъу – бир тутум.
  • Аман киши кеси юйюнде – къонакъ.
  • Адам къыйынлыгъын кёлтюрюр, зауукълугъун кёлтюрмез.
  • Эркишиге тары кебек танг кёрюнюр.
  • Байлыкъ тауусулур, билим тауусулмаз.
  • Алим болгъандан эсе, адам болгъан къыйынды.
  • Тойгъан антын унутур.
  • Узун джолну барсанг, бюгюн келирсе, къысха джолну барсанг, тамбла келирсе.
  • Билмегенинги, билгеннге сор.
  • Биреу ашаб къутулур, биреу джалаб тутулур.
  • Акъыллы башны – тили къысха.
  • Бет бетге къараса, бет да джерге къарар.
  • Берекет берсин деген джерде, берекет болур.
  • Алгъанда – джууукъ, бергенде – джау.
  • Кёл – къызбай, къол – батыр.
  • Джангызны оту джарыкъ джанмаз!
  • Сормай – алма, чакъырылмай – барма.
  • Кёлю джокъну – джолу джокъ.
  • Биреуге аманлыкъ этиб, кесинге игилик табмазса.
  • Чакъырылмай келген къонакъ сыйланмай кетер.
  • Тюзлюк шохлукъну бегитир.
  • Къоркъакъны кёзю экили кёрюр.
  • Таугъа чыгъаллыкъ эсенг, тюзде къалма.
  • Ашхы атаны – джашы ашхы, ашхы ананы – къызы ашхы.
  • Джол бла сёзню къыйыры джокъ.
  • Къозулугъунда тоймагъан, къойлугъунда тоймаз.
  • Чомарт бергенин айтмаз.
  • Тура эдим джата, къайдан чыкъды хата?
  • Кечеси – аяз, кюню – къыш, джарлы къаргъагъа бир аш тюш!
  • Биреуню къыйынлыгъы бла кесинге джол ишлеме.
  • Тил бла келеди джыр да.
  • Ауузу бла къуш тута айланады.
  • Ашхылыкъ джерде джатмайды, аманлыкъ суугъа батмайды.
  • Ач да бол, токъ да бол – намысынга бек бол.
  • Суу да къайтады чыкъгъан джерине.
  • Суугъа – чабакъ, къаягъа – ыргъакъ.
  • Кёзню ачылгъаны – иги, ауузну джабылгъаны – иги.
  • Айранын берсенг, челегин да къызгъанма.
  • Нафысынгы айтханын этме, намысынгы айтханын эт.
  • Экеу тутушса, биреу джыгъылыр.
  • Малны кют, джерни тюрт.
  • Адамны джюреги нени кёрюрге сюйсе, кёзю да аны кёрюрге ёч болады.
  • Джети тилни билген джети кишиди.
  • Намысы болмагъанны, сыйы болмаз.
  • Телини эшигин, махтау джабар.

Къонакъбайлыкъны юсюнден нарт сёзле

20.11.2004 0 5610

 

Азыгъы аз алгъа къабар, аты
аман алгъа чабар.

Азыкъ аз болса, эртте орун
(ундурукъ) сал.

Азыкълы ат арымаз, къатыны
аман-жарымаз.

Айраннга ачы деме, гыржыннга
къуру деме.

Айранын берсенг, челегин да
къызгъанма.

Айран ичген къутулду, жугъусун
жалагъан тутулду.

Айран тёгюлсе, жугъусу къалыр.

Арпа, будай-ащды, алтын, кюмюш
а-ташды.

Арпа жетсе багъалыды оракъ.

Ач бёрюге мекям жокъ.

Ач да бол, токъ да бол, намысынга
бек бол.

Ач келгенни тойдур, кеч келгенни
къондур.

Ач къалгъандан кеч къалгъан
къолай.

Ач къарным, тынч къулагъым.

Ач не жемез, токъ не демез.

Ач отунчуну ачыуу бурнунда.

Ач тоймам, дейди, тойгъан ач
болмам, дейди.

Ач уят къоймаз.

Ачны эсинде аш.

Ач эснер, ат кишнер.

Ач эснер, токъ кекирир.

Ачлыкъ отха секиртир.

Ачлыкъда тары гыржын халыуадан
татлы.

Ачлыкъ элде къыдыртыр.

Ашын ашагъанынгы башын да
сыйла.

Аш берме да, къаш бер.

Ашда-бёрю, йшде-ёлю.

Аш кетер да, бет къалыр.

Ашына кёре табагъы, балына кёре
къалагъы.

Ашда уялгъан-мухар, ишде
уялгъан-хомух.

Аш хазыр болса, иш харам болур.

Ашагъаннга-аш, ашамагъаннга -
таш.

Ашарыкъда сайлагъаннга - чий
гыржын.

Ашатыргъа иш ахшы, ишлетирге аш
ахшы.

Ашлыкъны арба юйге келтирир,
чана базаргъа элтир.

Ашлыкъ-бюртюкден, жюн-тюкден.

Асхат ашлыкъ сата, юйдегиси ачдан
къата.

Бал ашаргъа сюе эсенг, чибин
ургъаннга тёз.

Бал чибинни ургъаны ачы, балы
татлы.

Бир къарында май да жатар, пох да
жатар.

Бозаны арты дауур болур.

Бозанг болмагъан жерге
къалагъынгы сукъма.

Бастасын ашагъан, хантусун да ичер.

Гыржын-тепсини таматасы.

Тойгъан антын унутур.

Тойгъан жерге жети къайт.

Тойгъан ит иесин танымаз.

Тойгъанлыкъ къойгъа жарашады.

Тоймагъан кекирмез, къууанмагъан
секирмез.

Къарны аманнга къазан такъдырма,
къолу аманнга от жакъдырма.

Къарын ач болса, иш къулагъына
кирмез.

Къарнынг бла ёч алма.

Къарнынг къанлынга кийирир.

Къарын къуру болса, жюрек уру
болур.

Къарнынг тойгъунчу аша да, белинг
талгъынчы ишле.

Какчы какдан тоймаз.

Къурмач таудан аудурур, жырна
жолда къалдырыр.

Къууут-желге, берне-бошха.

Къаты ашлыкъ жетгинчи, къара
къууут аш болур.

Къолунгдан къуймакъ ашатсанг да,
атаны борчундан къутулмазса.

Сютден ауузу кюйген, суугъа
юфгюре эди.

Сютню башын жалагъан къутулур,
тюбюн ичген тутулур.

Сютсюз ийнек ёкюрюучю болур.

Хантына кёре тузу, юйюне кёре
къызы.

Халыуа, халыуа дегенликге, ауузунг
татлы болмаа.

Кёп сёзден хинкал ахшы.

Чайны мардасы юч, ючден озса,
къонакъбайгъа кюч.

Чакъырылгъанны аты чакъырылмагъанны багъасы
болур.

Чакъырылмагъан жерге барма,
чакъырылгъан жерден къалма.

Чакъырылмагъан къонакъ-
жонулмагъан таякъ.

Чакъырылмагъан къонакъ къачан кетерин сормаз.

Чакъырылмагьан къонакъ орун
тапмаз.

Чакъырылмагъан къонакъ
тёрге атламаз.

Чакъырылмай келген къонакъ
сыйланмай кетер.

Чакъырмагъаннга барма,
чакъыргъандан къалма.

Чибин тутхан бармагъын жалар.

Чомартха Тейри да борчлуду.

Чомарт бергенин айтмаз.

Чомарт жарлы болмаз.

Чомартны-къолу берекет.

Чомартны къолун жокълукъ байлар.

Чомарт къолда мал къалмаз.

Чомарт къонакъ юй иесин сыйлар.

Чомартха хар кюн да байрамды.

Шапа кёп болса, аш татымсыз
болур.

Шапа бармагъын жалай тояр.


(Къудайланы Мухтар жарашдыргъанды.
"Заман", 26 августа 2004 г., №164)

(Нет голосов)

  • Нравится

Комментариев нет