Расширенный поиск
15 Ноября  2018 года
Логин: Регистрация
Пароль: Забыли пароль?
  • Ачыкъ джюрекге джол – ачыкъ.
  • Рысхы джалгъанды: келген да этер, кетген да этер.
  • Ётген ёмюр – акъгъан суу.
  • Атлыны ашхысы, ат тизгининден билинир
  • Иги адамны бир сёзю эки болмаз.
  • Кёбге таш атма.
  • Ач келгенни – тойдур, кеч келгенни – къондур.
  • Тёзгеннге, джабылгъан эшик ачылыр.
  • Юй кюйдю да, кюйюз чыкъды, ортасындан тюйюш чыкъды.
  • Къарнынг тойгъунчу аша да, белинг талгъынчы ишле.
  • Бети – къучакълар, джюреги – бычакълар.
  • Акъыл къартда, джашда тюйюлдю – башдады.
  • Этим кетсе да, сюегим къалыр.
  • «Ёгюз, джаргъа джууукъ барма, меннге джюк боллукъса», - дегенди эшек.
  • Кёзню ачылгъаны – иги, ауузну джабылгъаны – иги.
  • Къыйынлы джети элни къайгъысын этер.
  • Адамны джюреги нени кёрюрге сюйсе, кёзю да аны кёрюрге ёч болады.
  • Аджаллыгъа окъсуз шкок атылыр.
  • Суугъа – таянма, джаугъа – ийнанма.
  • Байлыкъ келсе, акъыл кетер.
  • Ариу сёзде ауруу джокъ.
  • Чабакъ башындан чирийди.
  • Тил – кесген бычакъ, сёз – атылгъан окъ.
  • Терслик кетер, тюзлюк джетер.
  • Азыгъы аз, алгъа къабар, аты аман, алгъа чабар.
  • Ётюрюкню къуйругъу – бир тутум.
  • Ата Джуртун танымагъан, атасын да танымаз.
  • Эски джаугъа ышанма.
  • Аманны къуугъан, аманлыкъ табар.
  • Урама да – ёледи, сатама да – келеди.
  • Къая джолда джортма, ачыкъ сёзден къоркъма.
  • Тенгни тенглиги джашай барсанг билинир.
  • Ёпкелегенни ашы татлы болады.
  • Чакъырылмагъан къонакъ къачан кетерин сормаз.
  • Aдам боллукъ, сыфатындан белгили.
  • Элге къуллукъ этмеген, элге ие болмаз.
  • Байлыкъдан саулукъ ашхыды.
  • Ашда – бёрю, ишде – ёлю.
  • Билим ат болуб да чабар, къуш болуб да учар.
  • Кюн кёрмеген, кюн кёрсе, кюндюз чыракъ джандырыр.
  • Таукел къуру къалмаз.
  • Акъыллы башны – тили къысха.
  • Атадан ёксюз – бир ёксюз, анадан ёксюз – эки ёксюз.
  • Айран ичген – къутулду, джугъусун джалагъан – тутулду.
  • Аманнга игилик этсенг, юйюнге сау бармазса.
  • Къулакъдан эсе, кёзге ышан.
  • Нафысынгы айтханын этме, намысынгы айтханын эт.
  • Тил бла келеди джыр да.
  • Аз айтсам, кёб ангылагъыз.
  • Эм уллу байлыкъ – джан саулукъ.

Джангы джыл бла!

28.12.2013 2 2315
Джангы джылыгъыз огъурлу болсун, аланла!
Аллах миллетибизге, къралыбызгъа, дуниягъада тынчлыкъ, мамырлыкъ берсин!
Саулукълу болугъуз, юйюгизден, ишигизден къууаныгъыз! 


Энтта да къууандым жангы
Жылгъа сау жетгениме, 
Юйюмде чырагъым жанып, 
Ишими этгениме, 
Энтта да январь къары
Акълыгъын кёргениме, 
Энтта да, къыш жолда арып, 
Юйюме келгениме, 
Бу жангы жылгъа сау жетген
Бар да ахлуларыма, 
Огъурлу ишлерин этген
Адамланы барына, 
Хоншуларым да барысы
Жангы жылгъа сау жетип, 
Желни кюйсюзю, къарасы
Юйлерин бузмай кетип, 
Жангы жыл алай келгенин
Энтта кёрдюм, къууандым, 
Сабий оюну, кюлгени
Чыракъ болду да, жанды.

Барды гыржыным, чагъырым, 
Бар сирнегим, тютюнюм, 
Жеримде къар да акъырын
Жауады. Ол да – тюнюм.

Быллай кюнле тюшюм болгъан
Заманланы да кёрдюм. 
Къан къатыш къар жаууп жолгъа, 
Ол да кетди, эриди.

Энтта да къууандым жангы
Жылгъа сау жетгениме, 
Жашаргъа бюгюн да жаным
Бютюн къаст этгенине.
 

Не аз эсенг да, кёп жашарса менден, 
Халкъым, сени жолунг да болур узун, 
От жанар, ётмек да бишер юйюнгде, 
Бурунча къычырса да къара къузгъун.
Манга багъалыды ишинг, умутунг, 
Къыш кече кёрген жаз бетли тюшлеринг, 
Беклигинги ёчюлмей къалгъан оту, 
Бахчаларынгда жемишле бишгени.
Жырынг, жомагъынг ючюн сау бол дедим, 
Къыйынлыкъда тыяндым эрлигинге, 
Эталгъанымы этдим, биле келдим
Менден сора да кёп кюн кёрлюгюнгю.
Ол асыу болду къысха жашауумда, 
Сенсе манга тил да, ётмек да берген, 
Сенден юлгю алдым мен оуда-шауда, 
Жыгъылсам, кюч берип, кётюрдюнг ёрге.
Сени менден сора да кёп жашарынг
Къысха кюнлерими этеди узун:
Жангы сёзлерин айтырла жашларынг, 
Менден кёп уста болуп, мени озуп.
Анга ийнанып, этеме ишими, 
Менсиниусюз сёзюм – жериме саугъа. 
Сен барда – не сууукъда да юшюмем, 
Къор болайым, чыдамлы халкъым, санга!..
(Къули Къайсын)
***
Сагъыш 
 
Беш джылымда - къоюнда, 
Он джылымда - оюнда, 
Джыйырманчы джылымда 
Тийрелени тоюнда. 
 
Джыйырма бешге келгенде 
Чам, накъырда сёзлерим, 
Отузгъа джууукълаша 
Къама кибик кёзлерим. 
 
Отуз бешден атладым, 
Къаблан кибик кекелим. 
Къыркъдан атлай били иди 
Мындан ары этерим. 
 
Эллиу джылда - эл сагъыш, 
Алкъын шатык атламым. 
Алтмыш джылда - джан сагъыш, 
Мыдахыракъ къарамым. 
 
Джетмиш джылда тёр къайгъы, 
Тынчлыкъ излеб санларым. 
Сексен джылда - кёр къайгъы, 
Ашыкъдырыб заманым. 
 
Токъусаннга киргенлей 
Къуранаят ауузумда, 
Тоба, шукур борч болуб, 
Таш мынчагъым къолумда. 
 
Джюзден атлай тебредим – 
Сабийликге къайтханча, 
Джашаб кетген ёмюрюм 
Къысха таурух айтханча. 
 
Дуния деген джилтинди, 
Уф - дегенлей джукъланыр!.. 
Мени кибик бу джерге 
Энтда ненча сукъланыр?..  
(Семенланы Сымыйыл)

***
Игиликге саркъадыла черекле,
Игиликге ёседиле терекле
Игиликге сауулалла ийнекле
Игтиликге бишедиле кёгетле,
Игиликге чагъадыла кырдыкла,
Игиликге тууадыла туудукъла,
Игиликге тартыпдыла жюрекле
Игиликге болсун бары тилекле!
(Мечиланы Казим)

(Голосов: 4, Рейтинг: 2)

  • Нравится

Комментарии (2)

    Джаратама0
    maga2005
    29.12.2013 00:10:46
    КЕЛЕ ТУРГЪАН ЖАНГЫ ЖЫЛ БЛА АЛГЪЫШЛАЙМА МИЛЬЕТИБИЗНИ.САУЛУКЪЛУ ,НАСЫПЛЫ ,ЭМ ДА КЪУУАНЧЛЫ БОЛСУНЛА.
    Джаратама0
    Kurman
    30.12.2013 18:10:59
    ЁЛКА.

    Ёлка деб бир терекге табыналла джыйылыб,
    Анга махтау айталла, борбайлары къыйылыб.

    Сакълаб туруб, ашыгъыб, бир гузаба баралла,
    Анга махтаула айтыб, разылыгъын алалла.

    Ол чегетде туугъанды, чегетде да ёсгенди,
    Анга табыныр ючюн, аны джахил кесгенди.

    Сора арагъа салыб, бир ариу джасандырыб,
    Анга къуллукъ этелле, терекни махтандырыб.

    Сыйлы болгъан Кябада айланнганча тёгерек,
    Анга да айланалла, болгъан къауум телирек.

    Бир къара сен бу ишге – агъачха сый берелле,
    Бир Аллахны орнуна аны сыйын кёрелле.

    Аланы акъылларын шайтан ары бёледи,
    Алай была аджашыб, нелляй бир халкъ ёледи.

    Адам къалай англамайд, агъач анга не берир,
    Анга табыныб ёлсе, андан анга не келир?!

    Ол сейир иш тюлмюдю, къадар махтау айтылыб,
    Артда уа ол къалады сыйсыз болуб, атылыб.

    Къарасанг орамлада, багушлада кёрюрсе,
    Муну иги англасанг, сен сейирден ёлюрсе.

    Чегетлеге, агъачха кёб зырафлыкъ салалла,
    Къаллай бир затны къырыб, ала азаб алалла.

    Сора аны англа да, къой анга табыннганны,
    Шайтан джолгъа алданыб, терсейиб абыннганны.

    Заманынгы ая да, Аллах джолуна сен бур,
    Шайтанны буйрукъларын англа да, сен кери ур!

    Бютюн да джаш тёлюню тамадала бузалла,
    Аман юлгю кёргюзюб, ала гюнах алалла.

    Аллахны разылыгъын юретмейин алыргъа,
    Юретелле терекге махтауланы салыргъа.

    Юретмейле Аллахны тюз джолунда барыргъа,
    Бир Аллахны аллында ол уялмай къалыргъа.

    Сабийликден алагъа англатыб сингдирмейле,
    Ала да уллулукъда динден хапар билмейле.

    Сора джашайла ала, хар ким аланы алдай,
    Къайда джахил айтса да, ол ауузун ачыб тынглай.

    Эбзеев