- Джылыгъа джылан илешир.
- Экиндини кеч къылсанг, чабыб джетер ашхам.
- Ишге юренсин къоллары, халкъ бла болсун джоллары.
- Алим болгъандан эсе, адам болгъан къыйынды.
- Къарнынг бла ёч алма.
- Орундукъ тюбюнде атылсам да, орта джиликме, де да айлан.
- Адеби болмагъан къыз – тузсуз хант.
- Ёлюр джаннга, ёкюл джокъ.
- Айранны сюйген, ийнек тутар.
- Айыбны суу бла джууалмазса.
- Берекет берсин деген джерде, берекет болур.
- Намыс болмагъан джерде, насыб болмаз.
- Адебни адебсизден юрен.
- Ушамагъан – джукъмаз.
- Бети – къучакълар, джюреги – бычакълар.
- Ашхылыкъ джерде джатмайды, аманлыкъ суугъа батмайды.
- Ким бла джюрюсенг, аны кёзю бла кёрюнюрсе.
- Тюз сёз баргъан сууну тыяр.
- Къатын къылыкъсыз, эр тынчлыкъсыз.
- Садакъачыны джаны – къапчыгъында.
- Джаш къарыу бла кючлю, къарт акъыл бла кючлю.
- Зарда марда джокъ.
- Билим насыб берир, билим джолну керир.
- Джерни букъусу кёкге къонмаз.
- Кёбден умут этиб, аздан къуру къалма.
- Чыбыкълыкъда бюгюлмеген, къазыкълыкъда бюгюлмей эди.
- Ач уят къоймаз.
- От кюйдюрген, сау болса да, тот кюйдюрген, сау болмаз.
- Акъыл бла адеб эгизледиле.
- Келинни – келгинчи, бёркню кийгинчи кёр.
- Чарсда алчыны эл кёреди.
- Чабар ат – джетген къыз.
- Аз сёлеш, кёб ишле.
- Сёз садакъдан кючлюдю.
- Адебсиз адам – джюгенсиз ат.
- Къарыусузгъа кюлме, онгсузгъа тийме.
- Джюрекге ариу – кёзге да ариу.
- Джарашыу сюйген – джалынчакъ.
- Джыйырма къойну юч джыйырма эбзе кюте эди.
- Сагъышы джокъ – джукъучу, акъылы джокъ – къаугъачы.
- Аякъларынгы джууургъанынга кёре узат.
- Чомартха Тейри да борчлуду.
- Тойгъан джерден туугъан джер игиди.
- Аман къатын сабий табса, бий болур…
- Айырылмаз джууугъунга, унутмаз сёзню айтма.
- Халкъны джырын джырласанг, халкъ санга эжиу этер.
- Къалгъан ишге къар джауар.
- Эринчекни эр алмаз, эр алса да, кёл салмаз, кёл салса да, кёб бармаз!
- Ариуну – ауруу кёб.
- Эшекни не къадар тюйсенг да, ат болмаз.