- Игиге айтсанг – билир, аманнга айтсанг – кюлюр.
- Джангызны оту джарыкъ джанмаз!
- Аманны тукъумуна къарама, игини тукъумун сорма.
- Сангырау къулакъ эл бузар.
- Джангыз торгъай джырламаз.
- Татлы сёз – балдан татлы.
- Аман къатын алгъан, арыр, иги къатын алгъан джарыр.
- Ач отунчуну ачыуу – бурнунда.
- Аз айтсам, кёб ангылагъыз.
- Джырчы ёлсе, джыры къалыр.
- Ачыкъ джюрекге джол – ачыкъ.
- Джырына кёре эжиую.
- Ач бёрюге мекям джокъ.
- Азыгъы аз, алгъа къабар, аты аман, алгъа чабар.
- Дуния малгъа сатылма, кесингден телиге къатылма.
- Бети – къучакълар, джюреги – бычакълар.
- Аджашхан тёгерек айланыр.
- Ушамагъан – джукъмаз.
- Адеб базарда сатылмаз.
- Ашаса, ашамаса да, бёрюню ауузу – къан.
- Ачыу алгъа келсе, акъыл артха къалады.
- Магъанасыз сёз – тауушсуз сыбызгъы.
- Аман киши кеси юйюнде – къонакъ.
- Ариу сёз – къылычдан джити.
- Этек чакъмакълары баш джаргъан, сёлешген сёзлери таш джаргъан.
- Кёзден кетген, кёлден да кетеди.
- Тёзгеннге, джабылгъан эшик ачылыр.
- Чарсда алчыны эл кёреди.
- Кюлме джашха – келир башха.
- Джюз элде джюз ёгюзюм болгъандан эсе, джюз джууугъум болсун.
- Кюл тюбюндеги от кёрюнмейди.
- Биреуню къыйынлыгъы бла кесинге джол ишлеме.
- Аман адамны тепсинге олтуртсанг, къызынгы тилер.
- Башы джабылгъан челекге, кир тюшмез.
- Босагъа таш юйге кирмей эди, тыбыр таш эшикге чыкъмай эди.
- Элде адам къалмаса, ит тахтагъа минер.
- Иги адамны бир сёзю эки болмаз.
- Адам туугъан джеринде, ит тойгъан джеринде.
- Билмейме деген – бир сёз
- Иги адам абынса да, джангылмаз.
- Кюн – узун, ёмюр – къысха.
- Окъугъанны бети джарыкъ.
- Аз сёлешген, къайгъысыз турур.
- Аууздан келген, къолдан келсе, ким да патчах болур эди.
- Иги бла джюрюсенг, джетерсе муратынга, аман бла джюрюсенг, къалырса уятха.
- Джыланны къуйругъундан басарынг келсе, аны башы болгъанын унутма.
- Кёб джашагъан – кёб билир.
- Байны къызы баймакъ болса да, юйде къалмаз!
- Ариу сёз аурууунгу алыр.
- Хаухну атма, ёнгкючню сатма.