- Тыш элде солтан болгъандан эсе, кесинги элде олтан болгъан игиди!
- Башланнган иш битер, къымылдагъан тиш тюшер.
- Бир онгсуз адам адет чыгъарды, деб эштирик тюлсе.
- Танг атмайма десе да, кюн къоярыкъ тюйюлдю.
- Аджалсыз ёлюм болмаз.
- Иги сёз – джаннга азыкъ, аман сёз башха – къазыкъ.
- Джарлы тюеге минсе да, ит къабар.
- Айранны сюйген, ийнек тутар.
- Аз сёлеш, кёб ишле.
- Окъумагъан сокъурду, сокъур ташха абыныр!
- Хар адамгъа кеси миннген тау кибик.
- Атлыны кёрсе, джаяуну буту талыр.
- Къызны минг тилер, бир алыр.
- Тай асырагъан, атха минер.
- Келгинчи, къонакъ уялыр, келгенден сора, къонакъбай уялыр.
- Эри аманны, къатыны – аман.
- Кёлсюзден сёзсюз тууар.
- Сескекли кесин билдирир.
- Иги адам абынса да, джангылмаз.
- Атынг аманнга чыкъгъандан эсе, джанынг тамагъынгдан чыкъсын.
- Башда акъыл болмаса, эки аякъгъа кюч джетер.
- Аллахдан тилесенг, кёб тиле.
- Кюлме джашха – келир башха.
- Байдан умут эте, джарлыдан ёгюз багъасы къорады.
- Джеринден айырылгъан – джети джылар, джуртундан айырылгъан – ёлгюнчю джылар.
- Аш хазыр болса, иш харам болур.
- Къартны сыйын кёрмеген, къартлыгъында сыйлы болмаз.
- Аджашхан тёгерек айланыр.
- Ишленмеген джаш – джюгенсиз ат, ишленмеген къыз – тузсуз хант.
- Нарт сёз къарт болмаз.
- Акъдан къара болмаз.
- Тынгылагъан тынгы бузар.
- Сабийни джумушха джибер да, ызындан бар.
- Чомарт къолда мал къалмаз.
- Баш болса, бёрк табылыр.
- Къарнынг бла ёч алма.
- Таугъа чыгъаллыкъ эсенг, тюзде къалма.
- Тау башында, тау болмаз, джангыз терек, бау болмаз.
- Гыдай эчки суугъа къараб, мюйюзле кёрмесе, джашма алкъын, дегенди.
- Чомартны къолу берекет.
- Окъуусуз билим – джокъ, билимсиз кюнюнг – джокъ.
- Чабар ат – джетген къыз.
- Джукъу тёшек сайламайды.
- Ханы къызы буюгъа-буюгъа киштик болду.
- Халкъны юйю – туугъан джери.
- Джаш къарыу бла кючлю, къарт акъыл бла кючлю.
- Ачыу алгъа келсе, акъыл артха къалады.
- Шапа кёб болса, аш татымсыз болур.
- Адебсиз адам – джюгенсиз ат.
- Этни да ашады, бетни да ашады.