- Тилчи тилден къаныкъмаз.
- Кёбден умут этиб, аздан къуру къалма.
- Ата – баланы уясы.
- Къонагъынгы артмагъын алма да, алгъышын ал.
- Къулакъдан эсе, кёзге ышан.
- Тёгюлген тюгел джыйылмайды.
- Нарт сёз – тилни бети.
- Чакъырылмагъан къонакъ – орунсуз.
- Агъач – джерни чырайы, кийим – эрни чырайы.
- Ойнаб айтсанг да, эслеб айт.
- Айырылмаз джууугъунга, унутмаз сёзню айтма.
- Аурууну келиую тынч, кетиую – къыйын.
- Нафысынгы айтханын этме, намысынгы айтханын эт.
- Харам къарнашдан, халал тенг ашхы.
- Къарнынг ауруса, ауузунгу тый
- Кийимни бир кюнню аясанг, минг кюннге джарар.
- Ичимден чыкъды хата, къайры барайым сата?
- Кенгеш болса, уруш болмаз.
- Мал кёб болса, джууукъ кёб болур.
- Мен да «сен», дейме, сен да «кесим», дейсе.
- Аш берме да, къаш бер.
- Минг тенг да азды, бир джау да кёбдю.
- Чомарт джарлы болмаз.
- Тойгъан джерге джети къайт.
- Рысхы джалгъанды: келген да этер, кетген да этер.
- Ашлыкъны арба юйге келтирир, чана базаргъа элтир.
- Ёлюр джаннга, ёкюл джокъ.
- Джаш къарыу бла кючлю, къарт акъыл бла кючлю.
- Акъыллы эркиши атын махтар, акъылсыз эркиши къатынын махтар.
- Ашхылыкъ джерде джатмайды, аманлыкъ суугъа батмайды.
- Халкъны джырын джырласанг, халкъ санга эжиу этер.
- Аманны тукъумуна къарама, игини тукъумун сорма.
- Накъырданы арты керти болур.
- Ашхы адам – халкъ байлыгъы, ашхы джер – джашау байлыгъы.
- Билим ат болуб да чабар, къуш болуб да учар.
- Эшекге миннген – биринчи айыб, андан джыгъылгъан – экинчи айыб.
- Ишленмеклик адамлыкъды.
- Тура эдим джата, къайдан чыкъды хата?
- Таукел адам тау тешер.
- Бозанг болмагъан джерге, къалагъынгы сукъма.
- Адамгъа аман кюн соруб келмейди.
- Ариу сёзде ауруу джокъ.
- Къуру гыбыт бек дыгъырдар.
- Хата – гитчеден.
- Телиге акъыл салгъандан эсе, ёлгеннге джан салырса.
- Кёзю сокъурдан – къоркъма, кёлю сокъурдан – къоркъ.
- Аллахха ийнаннган кишини, Аллах онгдурур ишин.
- Алма терегинден кери кетмез.
- Кийиминг бла танылма, адамлыкъ бла таныл.
- Итли къонакъ джарашмаз.