- Ашыкъгъан cуу, тенгизге джетмез.
- Тил бла келеди джыр да.
- Эртде тургъан бла эртде юйленнген сокъуранмаз.
- Тилчи бир сагъатха айлыкъ хата этер.
- Джогъун бар этген, барын бал этген.
- Чабакъгъа акъыл, табагъа тюшсе келеди.
- Аман къатын сабий табса, бий болур…
- Къобан да къуру да къобханлай турмайды, адам да къуру да патчахлай турмайды.
- Керти сёзге тёре джокъ.
- Сагъыш – къартлыкъгъа сюйюмчю.
- Къанны къан бла джуума, аманны аман бла къуума.
- Суу ичген шауданынга тюкюрме.
- Асхат ашлыкъ сата, юйдегиси ачдан къата.
- Ишлегенде эринме, ишде чолакъ кёрюнме.
- Аман адам этегингден тутса, кес да къач.
- Уллу атлама – абынырса, уллу къабма – къарылырса.
- Джашынгы кесинг юретмесенг, джашау юретир.
- Айран ичген – къутулду, джугъусун джалагъан – тутулду.
- Башланнган иш битер, къымылдагъан тиш тюшер.
- Джиби бир къат джетмей эди да, эки къат тарта эди.
- Махтаннган къыз, тойда джукълар.
- Окъуусуз билим – джокъ, билимсиз кюнюнг – джокъ.
- Алтыда кюлмеген, алтмышда кюлмез.
- Суу кетер, таш къалыр.
- Сабыр джетер муратха, сабырсыз къалыр уятха.
- Ашда – бёрю, ишде – ёлю.
- Тилчиден кери бол.
- Айтхан сёзюне табылгъан.
- Татлы сёз – балдан татлы.
- Къартны бурнун сюрт да, оноугъа тут.
- Ётюрюкчюню шагъаты – къатында.
- Ауругъан – джашаудан умутчу.
- Тамырсыз терекге таянма – джыгъылырса.
- Киштикге къанат битсе, чыпчыкъ къалмаз эди.
- Адам туугъан джеринде, ит тойгъан джеринде.
- Юйюнг бла джау болгъандан эсе, элинг бла джау бол.
- Ана кёлю – балада, бала кёлю – талада.
- Иги адам абынса да, джангылмаз.
- Сабийни джумушха джибер да, ызындан бар.
- Келгинчи, къонакъ уялыр, келгенден сора, къонакъбай уялыр.
- Зар адамны насыбы болмаз.
- Ачлыкъда тары гырджын халыуадан татлы.
- Юй кюйдю да, кюйюз чыкъды, ортасындан тюйюш чыкъды.
- Керек ташны ауурлугъу джокъ.
- Къазанчы аман болса, къазаны къайнамаз.
- Чабакъ башындан чирийди.
- Сабийликде юретмесенг, уллу болса – тюзелмез.
- Гырджын – тепсини тамадасы.
- Тилде сюек болмаса да, сюек сындырыр.
- Кёзден кетген, кёлден да кетеди.
|
Люся
|
