- Тили узунну, намысы – къысха.
- Къонакъ хазыр болгъанлыкъгъа, къонакъбай хазыр тюлдю.
- Джауумдан сора, кюн кюйдюрюр, ётюрюкден сора, айыб кюйдюрюр.
- Биреуге кёлтюрген таягъынг, кесинги башынга урур.
- Къолунгдан къуймакъ ашатсанг да, атаны борчундан къутулмазса.
- Келлик заман – къартлыкъ келтирир, кетген заман – джашлыкъ ёлтюрюр.
- Юйюнгден чыкъдынг – кюнюнгден чыкъдынг.
- Джашда акъыл джокъ, къартда къарыу джокъ.
- Бек ашыкъгъан меннге джетсин, дегенди аракъы.
- Аманнга алтын чыдамаз.
- Джангызны оту джарыкъ джанмаз!
- Эм ашхы къайын ана мамукъ бла башынгы тешер.
- Акъыл аздырмаз, билим тоздурмаз.
- Бойнуму джети джерден кессенг да, мен ол ишни этеллик тюлме.
- Юйюнг бла джау болгъандан эсе, элинг бла джау бол.
- Кийимни бичсенг, кенг бич, тар этген къыйын тюлдю.
- Накъырда – кертини келечиси.
- Ёлюк кебинсиз къалмаз.
- Сагъыш – къартлыкъгъа сюйюмчю.
- Кёб джашагъан – кёб билир.
- Эринчекни эр алмаз, эр алса да, кёл салмаз, кёл салса да, кёб бармаз!
- Термилгенинги табмазса, кюлгенинге тюберсе.
- Сибиртки да сыйлы болду, кюрек да кюнлю болду.
- Ашына кёре табагъы, балына кёре къалагъы.
- Тамырсыз терекге таянма – джыгъылырса.
- Хунаны тюбюн къазсанг, юсюнге ауар.
- Чомарт бергенин айтмаз.
- Ишлегенден, къарагъан уста.
- Ханы къызы буюгъа-буюгъа киштик болду.
- Билим насыб берир, билим джолну керир.
- Ариу – кёзге, акъыл – джюрекге.
- Джумушакъ терекни къурт ашар.
- Ач къарным, тынч къулагъым.
- Келинин тута билмеген, къул этер, къызын тута билмеген, тул этер.
- Керек ташны ауурлугъу джокъ.
- Ачыу алгъа келсе, акъыл артха къалады.
- Эшекни не къадар тюйсенг да, ат болмаз.
- Этек чакъмакълары баш джаргъан, сёлешген сёзлери таш джаргъан.
- Къызбайны юйюне дери сюрсенг, батыр болур.
- Аман хансны – урлугъу кёб.
- Ариу сёз – къылычдан джити.
- Ёзденликни джайгъан – джокълукъ.
- Ишни аллы бла къууанма да, арты бла къууан.
- Ёлген аслан – сау чычхан.
- Биреуню къыйынлыгъы бла кесинге джол ишлеме.
- Тойгъанлыкъ къойгъа джарашады.
- Билимсиз иш бармаз.
- Сангырау къулакъ эл бузар.
- Ашлыкъ – бюртюкден, джюн – тюкден.
- Мал кёб болса, джууукъ кёб болур.