- Джарашыу сюйген – джалынчакъ.
- Ауругъан – джашаудан умутчу.
- Къартны бурнун сюрт да, оноугъа тут.
- Адамны сабийин сюйген джюреги, бычакъча, джитиди.
- Кёб ант этген, кёб ётюрюк айтыр.
- Бети – къучакълар, джюреги – бычакълар.
- Уруну арты – къуру.
- Нарт сёз – тилни бети.
- Джырчы ёлсе, джыры къалыр.
- Къарнынг тойгъунчу аша да, белинг талгъынчы ишле.
- Ач да бол, токъ да бол – намысынга бек бол.
- Aдам боллукъ, сыфатындан белгили.
- Билими азны – ауузунда кирит.
- Сёз сёзню айтдырыр.
- Тилде сюек болмаса да, сюек сындырыр.
- Биреу къой излей, биреу той излей.
- Кийим тукъум сордурур.
- Тойгъанлыкъ къойгъа джарашады.
- Ачыкъ джюрекге джол – ачыкъ.
- Аууздан келген, къолдан келсе, ким да патчах болур эди.
- Арбаз сайлама да, хоншу сайла.
- Эки къатын алгъанны къулагъы тынгнгаймаз.
- Аууз сакълагъан – джан сакълар.
- Аш кетер да бет къалыр.
- Айранын берсенг, челегин да къызгъанма.
- Зар адамны насыбы болмаз.
- Ата Джуртун танымагъан, атасын да танымаз.
- Алтыда кюлмеген, алтмышда кюлмез.
- Адеб базарда сатылмаз.
- Биреуге кёлтюрген таягъынг, кесинги башынга урур.
- Ёлюр джаннга, ёкюл джокъ.
- Джол бла сёзню къыйыры джокъ.
- Эри аманны, къатыны – аман.
- Джыланны къуйругъундан басарынг келсе, аны башы болгъанын унутма.
- Ёксюзню къалачы уллу кёрюнюр.
- Чакъырылмагъан къонакъ тёрге атламаз.
- Адамны аманы адамны бети бла ойнар.
- Керти сёзге тёре джокъ.
- Азыкълы ат арымаз, къатыны аман джарымаз.
- Джолунга кёре – джюрюшюнг, джагъанга кёре – юлюшюнг.
- Ауузу аманнга «иги», деме.
- Тамбла алтындан бюгюн багъыр ашхы.
- Ашарыкъда сайлагъаннга – чий гырджын.
- Къаллай салам берсенг, аллай джууаб алырса.
- Сибиртки да сыйлы болду, кюрек да кюнлю болду.
- Мал тутхан – май джалар.
- Босагъа таш юйге кирмей эди, тыбыр таш эшикге чыкъмай эди.
- Окъуу – билимни ачхычы, окъуу – дунияны бачхычы.
- Малны кют, джерни тюрт.
- Алим болгъандан эсе, адам болгъан къыйынды.