- Къызны минг тилер, бир алыр.
- Ичимден чыкъды хата, къайры барайым сата?
- Кесинг сынамагъан затны, адамгъа буюрма.
- Иши джокъну, сыйы джокъ.
- Джарлыны эшигин махтагъан джабар.
- Аш хазыр болса, иш харам болур.
- Къонакъ кёб келюучю юйню, къазаны отдан тюшмез.
- Акъдан къара болмаз.
- Аууздан келген, къолдан келсе, ким да патчах болур эди.
- Шекер бла туз – бир болмаз, ушамагъан – юй болмаз.
- Джюз элде джюз ёгюзюм болгъандан эсе, джюз джууугъум болсун.
- Ёзденликни джайгъан – джокълукъ.
- Тёзген – тёш ашар!
- Адамны бетине къарама, адетине къара.
- Тойну къарнашы – харс, джырны къарнашы – эжиу.
- Ауругъаннга – кийик саулукъ, джетген къызгъа – чилле джаулукъ.
- Иги джашны ышаны – аз сёлешиб, кёб тынгылар.
- Гитче джилтин уллу элни джандырыр.
- Чакъырылмагъан къонакъ тёрге атламаз.
- Джаным-тиним – окъуу, билим.
- Ургъан суудан башынгы сакъла.
- Байны оноуу, джарлыгъа джарамаз.
- Ач къалгъандан, кеч къалгъан къолай.
- Хазыр ашха – терен къашыкъ.
- Ишлегенде эринме, ишде чолакъ кёрюнме.
- Ётюрюкден тюбю джокъ, кёлтюрюрге джиби джокъ.
- Къыз тиширыу кеси юйюнде да къонакъды.
- Джаш къарыу бла кючлю, къарт акъыл бла кючлю.
- Ачыкъ джюрекге джол – ачыкъ.
- Нарт сёз къарт болмаз.
- Ойнай билмеген, оюн бузар.
- Тилчиден кери бол.
- Ариу сёзде ауруу джокъ.
- Чомартны къолун джокълукъ байлар.
- Баш болса, бёрк табылыр.
- Эринчекге кюн узун.
- Сабыр джетер муратха, сабырсыз къалыр уятха.
- Къоркъакъны кёзю экили кёрюр.
- Ашда – бёрю, ишде – ёлю.
- Кёл ашады да, кеси ашады.
- Тили узунну, намысы – къысха.
- Тойгъан джерден туугъан джер игиди.
- Айтылгъан буйрукъ, сёгюлмез
- Эм уллу байлыкъ – джан саулукъ.
- Арбаз сайлама да, хоншу сайла.
- Зар адамны насыбы болмаз.
- Къатын къылыкъсыз, эр тынчлыкъсыз.
- Башда акъыл болмаса, эки аякъгъа кюч джетер.
- Джашны джигитлиги сорулур, къызны джигерлиги сорулур.
- Ашына кёре табагъы, балына кёре къалагъы.