- Айырылмаз джууугъунга, унутмаз сёзню айтма.
- Байлыкъ тауусулур, билим тауусулмаз.
- Зарда марда джокъ.
- Танг атмайма десе да, кюн къоярыкъ тюйюлдю.
- Гугурук къычырмаса да, тангны атары къалмаз.
- Айтхан сёзюне табылгъан.
- Ёнгкюч къууана барыр, джылай келир.
- Тюз сёз баргъан сууну тыяр.
- Биреуге аманлыкъ этиб, кесинге игилик табмазса.
- Эринчекге кюн узун.
- Сормай – алма, чакъырылмай – барма.
- Халкъны джырын джырласанг, халкъ санга эжиу этер.
- Эрине къаргъыш этген къатын, эрнин къабар.
- Хатерли къул болур.
- Эринчекни аурууу – кёб.
- Ана къолу ачытмаз.
- Къарнынг къанлынга кийирир.
- Ёгюзню мюйюзлери ауурлукъ этмейдиле.
- Агъач халкъгъа алтынды, иссиликге салкъынды.
- Кёб джат да, бек чаб.
- Аш иеси бла татлыды.
- Аман къатын алгъан, арыр, иги къатын алгъан джарыр.
- Бет бетге къараса, бет да джерге къарар.
- Чакъырылмагъан къонакъ – орунсуз.
- Этни бети бла шорпасы.
- Къарыусузгъа кюлме, онгсузгъа тийме.
- Тамчы таш тешер.
- Эринчекни эр алмаз, эр алса да, кёл салмаз, кёл салса да, кёб бармаз!
- Кёб джашагъан – кёб билир.
- Иги бла джюрюсенг, джетерсе муратынга, аман бла джюрюсенг, къалырса уятха.
- Тёрени джагъы джокъ.
- Таш бла ургъанны, аш бла ур.
- Дуния аламаты сен эсенг да, игиме деб айтма.
- Рысхы – сют юсюнде кёмюк кибикди.
- Элиб деген, элге болушур.
- Адам туугъан джеринде, ит тойгъан джеринде.
- Башланнган иш битер, къымылдагъан тиш тюшер.
- Аманны къуугъан, аманлыкъ табар.
- Ишин билген, аны сыйын чыгъарады.
- Олтуруб кёрюнмей эди да, ёрге туруб кёрюне эди.
- Ачылгъан эт джабылыр, кёрген кёз унутмаз.
- Малны кют, джерни тюрт.
- Къанны къан бла джуума, аманны аман бла къуума.
- Ашда уялгъан – мухар, ишде уялгъан – хомух.
- Джангызны оту джарыкъ джанмаз!
- Бастасын ашагъан, хантусун да ичер.
- Чакъырылмагъан джерге барма, чакъырылгъан джерден къалма.
- Къолу уллу – асыу, аягъы уллу – джарсыу.
- Къазанда болса, чолпугъа чыгъар.
- Джуртун къоругъан озар.