- Ата Джуртуму башы болмасам да, босагъасында ташы болайым.
- Зарда марда джокъ.
- Хар сёзню орну барды.
- Джиби бир къат джетмей эди да, эки къат тарта эди.
- Айраннга суу къош, телиге джол бош.
- Эрни эр этерик да, къара джер этерик да, тиширыуду.
- Чомартны къолу берекет.
- Этек чакъмакълары баш джаргъан, сёлешген сёзлери таш джаргъан.
- Олтуруб кёрюнмей эди да, ёрге туруб кёрюне эди.
- Адамны адамлыгъы къыйынлыкъда айгъакъланады.
- Байлыкъ келсе, акъыл кетер.
- Тенгни тенглиги джашай барсанг билинир.
- Тёрдеги кюлсе, эшикдеги ышарыр.
- Къанны къан бла джуума, аманны аман бла къуума.
- Аш иеси бла татлыды.
- Къар – келтирди, суу – элтди.
- Ёксюзню тилеги къабыл болур.
- Кёкдеги болмаса, джердегин кёрмейди.
- Кийимни бир кюнню аясанг, минг кюннге джарар.
- Aдам боллукъ, сыфатындан белгили.
- Къатын къылыкъсыз, эр тынчлыкъсыз.
- Ариуну – ауруу кёб.
- Суугъа – чабакъ, къаягъа – ыргъакъ.
- Билим насыб берир, билим джолну керир.
- Сормай – алма, чакъырылмай – барма.
- Гитче джилтин уллу элни джандырыр.
- Джашны джигитлиги сорулур, къызны джигерлиги сорулур.
- Кёб джашагъан – кёб билир.
- Эки къатын алгъанны къулагъы тынгнгаймаз.
- Урама да – ёледи, сатама да – келеди.
- Адамны сабийин сюйген джюреги, бычакъча, джитиди.
- Ач уят къоймаз.
- Кёзю сокъурдан – къоркъма, кёлю сокъурдан – къоркъ.
- Ашыкъгъанны этеги бутуна чырмалыр.
- Нафысынгы айтханын этме, намысынгы айтханын эт.
- Къарны аманнга къазан такъдырма, къолу аманнга от джакъдырма.
- Биреу ашаб къутулур, биреу джалаб тутулур.
- Ашхылыкъ джерде джатмайды, аманлыкъ суугъа батмайды.
- Телиге акъыл салгъандан эсе, ёлгеннге джан салырса.
- Эринчекге кюн узун.
- Акъыл аздырмаз, билим тоздурмаз.
- Эшекге миннген – биринчи айыб, андан джыгъылгъан – экинчи айыб.
- Биреуню эскиси биреуге джангы болмайды.
- Окъугъан – асыу, окъумагъан – джарсыу.
- Эм уллу байлыкъ – джан саулукъ.
- Ойнай билмеген, уруб къачар.
- Сууда джау джокъ, кёб сёзде магъана джокъ.
- Шекер бла туз – бир болмаз, ушамагъан – юй болмаз.
- Телини эшигин, махтау джабар.
- Къызны минг тилер, бир алыр.