- Хазыр ашха – терен къашыкъ.
- Къатын байлыкъны сюер, эр саулукъну сюер.
- Джашынгы кесинг юретмесенг, джашау юретир.
- Кюн кёрмеген, кюн кёрсе, кюндюз чыракъ джандырыр.
- Ичимден чыкъды хата, къайры барайым сата?
- Акъыллы айтыр эди, акъылсыз къоймайды.
- Хантына кёре тузу, юйюне кёре къызы.
- Ачыу алгъа келсе, акъыл артха къалады.
- Ачылгъан эт джабылыр, кёрген кёз унутмаз.
- Аш берме да, къаш бер.
- Къралынгы – душмандан, башынгы от бла суудан сакъла.
- Бет бетге къараса, бет да джерге къарар.
- Эки къатын алгъанны къулагъы тынгнгаймаз.
- Келгинчи, къонакъ уялыр, келгенден сора, къонакъбай уялыр.
- Узун джолну барсанг, бюгюн келирсе, къысха джолну барсанг, тамбла келирсе.
- Биреуге аманлыкъны тилеме да, кесинге ашхылыкъны тиле.
- Огъурлуну сёзю – суу, огъурсузну сёзю – уу.
- Чомарт къонакъ юй иесин сыйлар.
- Джылкъыдан – ат чыгъар, тукъумдан – джаш чыгъар.
- Байлыкъ тауусулур, билим тауусулмаз.
- Ётюрюк хапар аякъ тюбю бла джюрюйдю.
- Къарнынг ауруса, ауузунгу тый
- Тил джюрекге джол ишлейди.
- Орну джокъну – сыйы джокъ.
- Чабар ат – джетген къыз.
- Ёлген эшек бёрюден къоркъмайды.
- Аякъларынгы джууургъанынга кёре узат.
- Чыкълы кюнде чыкъмагъан, чыкъса къуру кирмеген.
- Ашха уста, юйюнде болсун
- Джангыз торгъай джырламаз.
- Керти сёзге тёре джокъ.
- Джеринден айырылгъан – джети джылар, джуртундан айырылгъан – ёлгюнчю джылар.
- Юре билмеген ит, къонакъ келтирир.
- Иши джокъну, сыйы джокъ.
- Ургъан суудан башынгы сакъла.
- Ёпкелегенни ашы татлы болады.
- Къарнынг тойгъунчу аша да, белинг талгъынчы ишле.
- Аш иеси бла татлыды.
- Ашатыргъа иш – ашхы, ишлетирге аш – ашхы.
- Сёз садакъдан кючлюдю.
- Элиб деген, элге болушур.
- Мадар болса, къадар болур.
- Къартха ушагъан джаш – акъыллы, джашха ушагъан къарт – тели.
- Эркишиге тары кебек танг кёрюнюр.
- Садакъачыны джаны – къапчыгъында.
- Арба аугъандан сора, джол кёргюзтюучю кёб болур.
- Мураты болгъанны джюрек тебюую башхады.
- Айран ичген – къутулду, джугъусун джалагъан – тутулду.
- Сууда джау джокъ, кёб сёзде магъана джокъ.
- Уллу сёзде уят джокъ.