- Тамбла алтындан бюгюн багъыр ашхы.
- Джигер – джаннга къыйынлыкъ.
- Бетинги сатма, малынгы сат.
- Айтылгъан сёз ызына къайтмаз.
- Кечеси – аяз, кюню – къыш, джарлы къаргъагъа бир аш тюш!
- Ётюрюкню къуйругъу – бир тутум.
- Башы ишлегенни, ауузу да ишлер.
- Билимсиз иш бармаз.
- Эринчекге кюн узун.
- Окъугъан – асыу, окъумагъан – джарсыу.
- Тенги кёбню джау алмаз, акъылы кёбню дау алмаз.
- Келлик заман – къартлыкъ келтирир, кетген заман – джашлыкъ ёлтюрюр.
- Ата Джуртуму башы болмасам да, босагъасында ташы болайым.
- Къарнынг ауруса, ауузунгу тый
- Аманнга да, игиге да оноусуз къатышма.
- Къыз чыгъаргъан – къызыл къымжа.
- Джарлыны эшигин махтагъан джабар.
- Ёлген эшек бёрюден къоркъмайды.
- Арпа, будай – ащды, алтын, кюмюш а – ташды.
- Ким бла джюрюсенг, аны кёзю бла кёрюнюрсе.
- Асхат ашлыкъ сата, юйдегиси ачдан къата.
- Айтханы чапыракъдан ётмеген.
- Бал чибинни ургъаны – ачы, балы – татлы.
- Чомартны къолун джокълукъ байлар.
- Аш берме да, къаш бер.
- Баш – акъыл ючюн, акъылман – халкъ ючюн.
- Татлы тилде – сёз ариу, чемер къолда – иш ариу.
- Кёпюр салгъан кеси ётер, уру къазгъан кеси кетер.
- Огъурлуну сёзю – суу, огъурсузну сёзю – уу.
- Телиге от эт десенг, юйюнге от салыр.
- Къозулугъунда тоймагъан, къойлугъунда тоймаз.
- Бастасын ашагъан, хантусун да ичер.
- Чомарт къолда мал къалмаз.
- Арбаз сайлама да, хоншу сайла.
- Кюн – узун, ёмюр – къысха.
- Баш болса, бёрк табылыр.
- Гитче джилтин уллу элни джандырыр.
- Биреуню тёрюнден, кесинги эшик артынг игиди.
- Тили узунну, намысы – къысха.
- Аман эсирсе, юйюн ояр.
- Ашыкъгъан cуу, тенгизге джетмез.
- Ашатыргъа иш – ашхы, ишлетирге аш – ашхы.
- Къарнынг къанлынга кийирир.
- Махтаннган къыз, тойда джукълар.
- Ишлерге уял да, ашаргъа табма.
- Эки къатын алгъан – эки ташны ортасына башын салгъан.
- Сескекли кесин билдирир.
- Адам къаллай бир ишленмесе, аллай бир кесин уллу кёреди.
- Джашлыкъ этмеген, башлыкъ этмез.
- Айтхан – тынч, этген – къыйын.