Эльбрусоид :: Эльбрусоид

Къарны аманнга къазан такъдырма, къолу аманнга от джакъдырма.
Ата Джуртча джер болмаз, туугъан элча эл болмаз.
Керти сёзге тёре джокъ.
Ашха уста, юйюнде болсун
Сыфатында болмагъаны, суратында болмаз.
Сёз къанатсыз учар.
Окъугъан – асыу, окъумагъан – джарсыу.
Орну джокъну – сыйы джокъ.
Къызын тута билмеген, тул этер, джашын тута билмеген, къул этер.
Иги – алгъыш этер, аман – къаргъыш этер.
Къатыны харакетли болса, эри къымсыз болур.
Тамчы таш тешер.
Кёл ашады да, кеси ашады.
Бир абыннган – минг сюрюнюр.
Азыкълы ат арымаз, къатыны аман джарымаз.
Ёпкелегенни ашы татлы болады.
Джырчы ёлсе, джыры къалыр.
Сормай – алма, чакъырылмай – барма.
Азыкъ аз болса, эртде орун сал.
Къанны къан бла джуума, аманны аман бла къуума.
Айныгъанлы алты кюн, тогъайгъанлы тогъуз кюн.
Тюз сёз баргъан сууну тыяр.
Башланнган иш битер, къымылдагъан тиш тюшер.
Тойгъан джерге джети къайт.
Ханнга да келеди хариблик.
Ишлегенден, къарагъан уста.
Азыгъы аз, алгъа къабар, аты аман, алгъа чабар.
Аманнга игилик этсенг, юйюнге сау бармазса.
Ата Джуртун танымагъан, атасын да танымаз.
Юйюнг бла джау болгъандан эсе, элинг бла джау бол.
Соргъан айыб тюлдю, билмеген айыбды.
Экеулен сёлеше тура эселе, орталарына барыб кирме.
Байлыкъ адамны сокъур этер.
Къумурсхала джыйылсала, пилни да джыгъадыла.
Аманнга да, игиге да оноусуз къатышма.
Эл ауузу – элия.
Ёксюзню къалачы уллу кёрюнюр.
Айран ичген – къутулду, джугъусун джалагъан – тутулду.
Тенгни тенглиги джашай барсанг билинир.
Ишленмеклик адамлыкъды.
Босагъа таш юйге кирмей эди, тыбыр таш эшикге чыкъмай эди.
Эм уллу байлыкъ – джан саулукъ.
Элни кючю – эмеген.
Кёбню кёрген – кёб билир.
Кеси юйюмде мен да ханма.
Ашыкъгъан cуу, тенгизге джетмез.
Джарлы джети элни сёзюн этер.
Ёлген ийнек сютлю болур.
Тил бла келеди джыр да.
Гитче джилтин уллу элни джандырыр.