Эльбрусоид :: Эльбрусоид

Аманнга игилик этсенг, юйюнге сау бармазса.
Окъдан джара эртде-кеч болса да бителир, сёз джара, ёмюрге къалыр.
Магъанасыз сёз – тауушсуз сыбызгъы.
Кёб джашагъан – кёб билир.
Джетген къыз джерли эшекни танымаз.
Насыблыны баласы кюн кюнден да баш болур, насыбсызны баласы, кюн кюнден да джаш болур.
Къайтырыкъ эшигинги, къаты уруб чыкъма.
Тёрде – темир таякълы, къаяда – чыпчыкъ аякълы.
Кюл тюбюндеги от кёрюнмейди.
Атадан ёксюз – бир ёксюз, анадан ёксюз – эки ёксюз.
Тюз сёз баргъан сууну тыяр.
Айраннга суу къош, телиге джол бош.
Къызгъанчдан ычхыныр, мухардан ычхынмаз.
Къызын тута билмеген, тул этер, джашын тута билмеген, къул этер.
Джахил болса анасы, не билликди баласы?
Гугук кесини атын айтыб къычыргъанча, мен, мен деб нек тураса?
Ёгюзню мюйюзюнден тутадыла, адамны сёзюнден тутадыла.
Билимден уллу байлыкъ джокъду.
Сёз къанатсыз учар.
Ёлмесенг да, къарт дамы болмазса?
Аш хазыр болса, иш харам болур.
Кимни – тили, тиши онглу, кимни – къолу, иши онглу.
Адамны артындан къара сабан сюрме.
Элде адам къалмаса, ит тахтагъа минер.
Чомарт къонакъ юй иесин сыйлар.
Мадар болса, къадар болур.
Мени джылытмагъан кюн, меннге тиймесин!
Чыкълы кюнде чыкъмагъан, чыкъса къуру кирмеген.
Ётюрюкню къуйругъу – бир тутум.
Нарт сёз – тилни бети.
Кийимни бичсенг, кенг бич, тар этген къыйын тюлдю.
Аллахдан тилесенг, кёб тиле.
Аманнга да, игиге да оноусуз къатышма.
Эки итни арасына сюек атма, эки адамны арасында сёз чыгъарма.
Эртде тургъан джылкъычыны эркек аты тай табар.
Къая джолда джортма, ачыкъ сёзден къоркъма.
Чомарт бергенин айтмаз.
Итли къонакъ джарашмаз.
Рысхы джалгъанды: келген да этер, кетген да этер.
Билгенни къолу къарны джандырыр.
Чакъырылмагъан къонакъ – орунсуз.
Тюзню ётмеги тюзде къалса да, тас болмаз.
Алтыда кюлмеген, алтмышда кюлмез.
Келгинчи, къонакъ уялыр, келгенден сора, къонакъбай уялыр.
Суу да къайтады чыкъгъан джерине.
Эрни эр этерик да, къара джер этерик да, тиширыуду.
Азыкъ аз болса, эртде орун сал.
Къарыусузгъа кюлме, онгсузгъа тийме.
Биреуню къыйынлыгъы бла кесинге джол ишлеме.
Иги сёз – джаннга азыкъ, аман сёз башха – къазыкъ.