- Айтханы чапыракъдан ётмеген.
- Ачны эсинде – аш.
- Тилчи тилден къаныкъмаз.
- Тамбла алтындан бюгюн багъыр ашхы.
- «Ма», - дегенни билмесенг, «бер», - дегенни билмезсе.
- Ичимден чыкъды хата, къайры барайым сата?
- Чомартны къолу берекет.
- Ишлемеген – тишлемез.
- Дуния малгъа сатылма, кесингден телиге къатылма.
- Аз айтсам, кёб ангылагъыз.
- Ата – билек, ана – джюрек!
- Адам сёзге тынгыла, акъыл сёзню ангыла.
- Сабий кёргенин унутмаз.
- Ариу сёз – къылычдан джити.
- Ёпкелегенни ашы татлы болады.
- Юй ишлеген балта эшикде къалыр.
- Тин – байлыгъынг, терен саулугъунг.
- Иги адам абынса да, джангылмаз.
- Намысы джокъну – дуниясы джокъ.
- Окъдан джара эртде-кеч болса да бителир, сёз джара, ёмюрге къалыр.
- Ётюрюкчюню шагъаты – къатында.
- Адамны аты башхача, акъылы да башхады.
- Ёгюзню мюйюзюнден тутадыла, адамны сёзюнден тутадыла.
- Кюл тюбюндеги от кёрюнмейди.
- Акъдан къара болмаз.
- Оюмсуз атлагъан, аджалсыз ёлюр.
- Ёлген ийнек сютлю болур.
- Нарт сёз – тилни бети.
- Къазанчы аман болса, къазаны къайнамаз.
- Бойнуму джети джерден кессенг да, мен ол ишни этеллик тюлме.
- Къызны минг тилер, бир алыр.
- Джумушакъ терекни къурт ашар.
- Эшекге миннген – биринчи айыб, андан джыгъылгъан – экинчи айыб.
- Ашха уста, юйюнде болсун
- Ачлыкъда тары гырджын халыуадан татлы.
- Джаш къарыу бла кючлю, къарт акъыл бла кючлю.
- Хунаны тюбюн къазсанг, юсюнге ауар.
- Ким бла джюрюсенг, аны кёзю бла кёрюнюрсе.
- Кёрмегеннге кебек – танг, битмегеннге сакъал – танг.
- Бети къызарыучу адамны, джюреги харам болмаз.
- Ышармагъан – кюлмез, кюлмеген – къууанчны билмез.
- Кёпюр салгъан кеси ётер, уру къазгъан кеси кетер.
- Тели турса – той бузар.
- Ата Джуртуму башы болмасам да, босагъасында ташы болайым.
- Элни кючю – эмеген.
- Сормай – алма, чакъырылмай – барма.
- Зарда марда джокъ.
- Бетинги сатма, малынгы сат.
- Рысхы – насыбха къор.
- Суугъа – таянма, джаугъа – ийнанма.