Расширенный поиск
25 Февраля  2021 года
Логин: Регистрация
Пароль: Забыли пароль?
  • Юйюнг бла джау болгъандан эсе, элинг бла джау бол.
  • Бир онгсуз адам адет чыгъарды, деб эштирик тюлсе.
  • Башы ишлегенни, ауузу да ишлер.
  • Алим болгъандан эсе, адам болгъан къыйынды.
  • Адеб этмеген, адеб кёрмез.
  • Бёрю да ач къалмасын, эчки да ашалмасын.
  • Аман хансны – урлугъу кёб.
  • Адамгъа аман кюн соруб келмейди.
  • Къоркъакъны кёзю экили кёрюр.
  • Керти сёзге тёре джокъ.
  • Тамбла алтындан бюгюн багъыр ашхы.
  • Ашын ашагъанынгы, башын да сыйла.
  • Башынга джетмегенни сорма.
  • Джюрекге ариу – кёзге да ариу.
  • Аджаллыгъа окъсуз шкок атылыр.
  • Мухар, кеси тойса да, кёзю тоймаз.
  • Эркиши – от, тиширыу – суу.
  • Аманны эки битли тону болур, бирин сеннге кийдирир, бирин кеси киер.
  • Соргъан айыб тюлдю, билмеген айыбды.
  • Атлыны ашхысы, ат тизгининден билинир
  • Кёл ашады да, кеси ашады.
  • Акъыллы башны – тили къысха.
  • Тынгылагъан тынгы бузар.
  • Бозаны арты дауур болур.
  • Адам боллукъ, атламындан белгили болур.
  • Джахил болса анасы, не билликди баласы?
  • Ата Джуртча джер болмаз, туугъан элча эл болмаз.
  • Онгсузну – джакъла, тенгликни – сакъла.
  • Адам сёзге тынгыла, акъыл сёзню ангыла.
  • Кёб къычыргъандан – къоркъма, тынч олтургъандан – къоркъ.
  • Баргъанынга кёре болур келгенинг.
  • Нафысынгы айтханын этме, намысынгы айтханын эт.
  • Хазыр ашха – терен къашыкъ.
  • Къууут – джелге, берне – бошха.
  • Огъурлуну сёзю – суу, огъурсузну сёзю – уу.
  • Къыз тиширыу кеси юйюнде да къонакъды.
  • Чёбню кёлтюрсенг, тюбюнден сёз чыгъар.
  • Кюн кёрмеген, кюн кёрсе, кюндюз чыракъ джандырыр.
  • Эркишиге тары кебек танг кёрюнюр.
  • Сёз сёзню айтдырыр.
  • Бойнуму джети джерден кессенг да, мен ол ишни этеллик тюлме.
  • Айтхан сёзюне табылгъан.
  • Кёбню кёрген – кёб билир.
  • Акъыллы – эл иеси, тели – эл баласы.
  • Аманнга да, игиге да оноусуз къатышма.
  • Чомартха Тейри да борчлуду.
  • Кеси юйюмде мен да ханма.
  • Билмезни кёзю кёрмез, этмезни къулагъы эшитмез.
  • Дженгил джетерикме деб, узун джолну къоюб, къысхасын барма.
  • Сабыр джетер муратха, сабырсыз къалыр уятха.

Вечер выпускников. Московский дворец молодёжи. 13 июня 2009 г.

Фотографий - 142