Расширенный поиск
22 Января  2019 года
Логин: Регистрация
Пароль: Забыли пароль?
  • Рысхы – насыбха къор.
  • Иги – алгъыш этер, аман – къаргъыш этер.
  • Биреу ашаб къутулур, биреу джалаб тутулур.
  • Къартны сыйын кёрмеген, къартлыгъында сыйлы болмаз.
  • Этек чакъмакълары баш джаргъан, сёлешген сёзлери таш джаргъан.
  • Абынмазлыкъ аякъ джокъ, джангылмазлыкъ джаякъ джокъ.
  • Арыгъан къош чамчы болур.
  • Кесине гебен этелмеген, биреуге черен эте эди.
  • Элни кючю – эмеген.
  • Ат да турмайды бир териде.
  • Узун джолну барсанг, бюгюн келирсе, къысха джолну барсанг, тамбла келирсе.
  • Этни бети бла шорпасы.
  • Къонакъ кёб келюучю юйню, къазаны отдан тюшмез.
  • Эртде тургъан джылкъычыны эркек аты тай табар.
  • Акъыл бла адеб эгизледиле.
  • Ёнгкюч къууана барыр, джылай келир.
  • Насыблыны баласы кюн кюнден да баш болур, насыбсызны баласы, кюн кюнден да джаш болур.
  • Джырына кёре эжиую.
  • Хар сёзню орну барды.
  • Ичимден чыкъды хата, къайры барайым сата?
  • Ушамагъан – джукъмаз.
  • Тёрени джагъы джокъ.
  • Джырчы джырчыгъа – къарнаш.
  • Адамны адамлыгъы къыйынлыкъда айгъакъланады.
  • Чёбню кёлтюрсенг, тюбюнден сёз чыгъар.
  • Адамны сыфатына къарама, сёзюне къара.
  • Аман къатын алгъан, арыр, иги къатын алгъан джарыр.
  • Иши джокъну, сыйы джокъ.
  • Телиге от эт десенг, юйюнге от салыр.
  • Билимли ёлмез, билимсиз кёрмез.
  • Сибиртки да сыйлы болду, кюрек да кюнлю болду.
  • Кёзню ачылгъаны – иги, ауузну джабылгъаны – иги.
  • Тенгни тенглиги джашай барсанг билинир.
  • Дженгил джетерикме деб, узун джолну къоюб, къысхасын барма.
  • Сыфатында болмагъаны, суратында болмаз.
  • Кесинг сынамагъан затны, адамгъа буюрма.
  • Ауурну тюбю бла, дженгилни башы бла джюрюген.
  • Юре билмеген ит, къонакъ келтирир.
  • Эр абынмай, эл танымаз.
  • Минг тенг да азды, бир джау да кёбдю.
  • Терек ауса, отунчу – кёб.
  • Ашаса, ашамаса да, бёрюню ауузу – къан.
  • Джыйырма къойну юч джыйырма эбзе кюте эди.
  • Аман адамны тепсинге олтуртсанг, къызынгы тилер.
  • Экеулен сёлеше тура эселе, орталарына барыб кирме.
  • Башы джабылгъан челекге, кир тюшмез.
  • Кютгени беш эчки, сызгъыргъаны уа, джерни джарады.
  • Ашатыргъа иш – ашхы, ишлетирге аш – ашхы.
  • Къумурсхала джыйылсала, пилни да джыгъадыла.
  • Чабакъ башындан чирийди.

Вечер первокурсников (декабрь, 2004 г.) Москва

Фотографий - 134