Расширенный поиск
16 Мая 2024 года
Логин: Регистрация
Пароль: Забыли пароль?
Навигация
Словарь
  • Башы джабылгъан челекге, кир тюшмез.
  • Итли къонакъ джарашмаз.
  • Халкъгъа джарагъан, джарлы къалмаз.
  • Байлыкъ болгъан джерде, тынчлыкъ джокъду.
  • Биреуге кёлтюрген таягъынг, кесинги башынга урур.
  • Гыдай эчки суугъа къараб, мюйюзле кёрмесе, джашма алкъын, дегенди.
  • Эр абынмай, эл танымаз.
  • Таш бла ургъанны, аш бла ур.
  • Ашхы болсанг, атынг чыгъар, аман болсанг, джанынг чыгъар.
  • Баш болса, бёрк табылыр.
  • Эрине къаргъыш этген къатын, эрнин къабар.
  • Къонакъ болсанг, ийнакъ бол.
  • Ачны эсинде – аш.
  • Хар ишни да аллы къыйынды.
  • Аууздан келген, къолдан келсе, ким да патчах болур эди.
  • Билмегенинги, билгеннге сор.
  • Акъыл неден да кючлюдю.
  • Адеб базарда сатылмаз.
  • Чыбыкълыкъда бюгюлмеген, къазыкълыкъда бюгюлмей эди.
  • Билгенни къолу къарны джандырыр.
  • Аджашханны ызындагъы кёреди, джангылгъанны джанындагъы биледи.
  • Халкъны джырын джырласанг, халкъ санга эжиу этер.
  • Ана къойну – балагъа джандет.
  • Таукел адам тау тешер.
  • Айран тёгюлсе, джугъусу къалыр.
  • Кимни – тили, тиши онглу, кимни – къолу, иши онглу.
  • Джарлы тюеге минсе да, ит къабар.
  • Аман къатын сабий табса, бий болур…
  • Кёзню ачылгъаны – иги, ауузну джабылгъаны – иги.
  • Кийимни бир кюнню аясанг, минг кюннге джарар.
  • Тойгъа барсанг, тоюб бар, эски тонунгу къоюб бар.
  • Ач отунчуну ачыуу – бурнунда.
  • Зар адамны насыбы болмаз.
  • Къолунгдан къуймакъ ашатсанг да, атаны борчундан къутулмазса.
  • Чакъырылмай келген къонакъ сыйланмай кетер.
  • Кенгеш болса, уруш болмаз.
  • Ата – билек, ана – джюрек!
  • Чабакъ башындан чирийди.
  • Тойгъандан сора, ашны сёкме.
  • Тенгинг джокъ эсе – изле, бар эсе – сакъла!
  • Къонакъ аз олтурур, кёб сынар.
  • Миллетни бойну – базыкъ, аны бла кюрешген – джазыкъ.
  • Ёлюр джаннга, ёкюл джокъ.
  • Айтылгъан буйрукъ, сёгюлмез
  • Тюз сёз баргъан сууну тыяр.
  • Кёлсюзден сёзсюз тууар.
  • Джаханимни кёрмей, джандетге кёл салмазса.
  • Кюлме джашха – келир башха.
  • Ёксюзню тилеги къабыл болур.
  • Битмегеннге сакъал – танг.

Форум

Форум / Пользователи / UmmSaid
Выбрать дату в календаре…Выбрать дату в календаре

Страницы: 1
Ана тилде сабий санаула, тилбургъучла, козутуула.
 
#
21.12.2016 16:40:59 Translit
Ас Саляму Алейкум!
Бу темада сабийге айтылган назмуланы, джырчыкъланы, тилбургучланы, козутууланы, санауланы бир джазыгъз.
Сабийге он ай толду, къарачайча ойнатыръа кезюм къарайды, орус "Ладушки ладушки" унутуб))
Сау болугъуз!




Дуркъу, дуркъу, дуркъу,
Дуркъу ичинде ёгюз,
Ёгюз ичинде семиз.
Тура турду да тас болду.
Бу урлады,
Бу кесди (сойду),
Бу биширди,
Бу ашады,
Бу барды да иесине айтды.
Тюйюгюз аны, тюйюгюз!


Джюу-джюу-джюу ала,
Эки чычхан суу ала,
Амма боза бишире,
Акка кийик тюшюре.
Босагъада абына,
Сакъалчыгъы къабына...
Дыгъы дыгъы дыгъы этейим,
Сени бирчик тепсетейим!
Изменено: UmmSaid - 21.12.2016 16:43:52
 
Перейти    
Страницы: 1

Форум  Мобильный | Стационарный