Не найдено
Форум Мобильный | Стационарный
| 25 Апреля | 2024 года |
Навигация
- Адамны артындан къара сабан сюрме.
- Ата Джуртун танымагъан, атасын да танымаз.
- Ач бёрюге мекям джокъ.
- Бал ашаргъа сюе эсенг, чибин ургъаннга тёз.
- Аманны эки битли тону болур, бирин сеннге кийдирир, бирин кеси киер.
- Билгенни къолу къарны джандырыр.
- Таякъ этден ётер, тил сюекден ётер.
- Къарт бла баш аша, джаш бла аякъ аша.
- Тай асырагъан, атха минер.
- Зар адам ашынгы ашар, кесинги сатар.
- Ачылгъан эт джабылыр, кёрген кёз унутмаз.
- Телиге акъыл салгъандан эсе, ёлгеннге джан салырса.
- Сууда джау джокъ, кёб сёзде магъана джокъ.
- Билимден уллу байлыкъ джокъду.
- Таукел къуру къалмаз.
- Нёгерсизни джолу узун.
- Этни да ашады, бетни да ашады.
- Джырчы джырчыгъа – къарнаш.
- Ариуну – ауруу кёб.
- Таукелге нюр джауар.
- Эл тойса, тоймагъан, эл къойса, къоймагъан.
- Ишни ахырын ойламай, аллын башлама.
- Иги сеники эсе да, сюйген кесимикин этеме.
- Ашхы сёз таш тешер.
- Кёлю джокъну – джолу джокъ.
- Эм уллу байлыкъ – джан саулукъ.
- Ачны эсинде – аш.
- Ауурну тюбю бла, дженгилни башы бла джюрюген.
- Рысхысына кёре, джаш ёсер, къышлыгъына кёре, мал ёсер.
- Иги – алгъыш этер, аман – къаргъыш этер.
- Джаш болсун, къыз болсун, акъылы, саны тюз болсун.
- Ана къолу ачытмаз.
- Адеб джокъда, намыс джокъ.
- Ана кёлю – балада, бала кёлю – талада.
- Ариу джол аджал келтирмез.
- Сабийни джумушха джибер да, ызындан бар.
- Айтхан – тынч, этген – къыйын.
- Кёзюнде тереги болгъан, чёбю болгъаннга кюле эди.
- Ариу сёзде ауруу джокъ.
- Ётген ёмюр – акъгъан суу.
- Ашатыргъа иш – ашхы, ишлетирге аш – ашхы.
- Юй ишлеген балта эшикде къалыр.
- Малны кют, джерни тюрт.
- Ауругъанны сау билмез, ач къарынны токъ билмез.
- Къонакъ хазыр болгъанлыкъгъа, къонакъбай хазыр тюлдю.
- Келгинчи, къонакъ уялыр, келгенден сора, къонакъбай уялыр.
- Ашхылыкъ джерде джатмайды, аманлыкъ суугъа батмайды.
- Джукъу тёшек сайламайды.
- Биреуге кёлтюрген таягъынг, кесинги башынга урур.
- Кёз – сюйген джерде, къол – ауругъан джерде.
Фонд содействия развитию карачаево-балкарской молодежи «Эльбрусоид»
© 2003-2024 Elbrusoid.org
Все права защищены Законами Гор.
Адрес
- г. Москва, Семеновская пл., 7
тел.: (495) 366-23-54 / 366-39-60
е-mail: elbrusoidmoscow@mail.ru - г. Карачаевск, ул. Ленина, 34а
тел.: (878-79) 2-12-22
е-mail: fond09@elbrusoid.org - г. Нальчик, ул. Ахохова, 92
тел.: (866-2) 77-59-12
е-mail: fond07@elbrusoid.org
|
|
|
|
