Не найдено
Форум Мобильный | Стационарный
| 19 Мая | 2024 года |
Навигация
- Аурууну келиую тынч, кетиую – къыйын.
- Дуния мал дунияда къалады.
- Сибиртки да сыйлы болду, кюрек да кюнлю болду.
- Ата – билек, ана – джюрек!
- Экеу тутушса, биреу джыгъылыр.
- Миллетни бойну – базыкъ, аны бла кюрешген – джазыкъ.
- Къарт айтханны этмеген, къартаймаз.
- Биреу ашаб къутулур, биреу джалаб тутулур.
- Малны кют, джерни тюрт.
- Татлы тилде – сёз ариу, чемер къолда – иш ариу.
- Джырына кёре эжиую.
- Байлыкъ келсе, акъыл кетер.
- Ата Джуртун танымагъан, атасын да танымаз.
- Эринчекге кюн узун.
- Адамны бетине къарама, адетине къара.
- Джумушакъ сёз къаты таякъны сындырыр.
- Бозаны арты дауур болур.
- Билеги кючлю, бирни джыгъар, билими кючлю, мингни джыгъар.
- Тилчи тилден къаныкъмаз.
- Рысхы джалгъанды: келген да этер, кетген да этер.
- Къралынгы – душмандан, башынгы от бла суудан сакъла.
- Чакъырылмагъан джерге барма, чакъырылгъан джерден къалма.
- Аш хазыр болса, иш харам болур.
- Таш ата билмеген, башына урур.
- Кёз – сюйген джерде, къол – ауругъан джерде.
- Кёб джат да, бек чаб.
- Эл ауузу – элек, анга ийнаннган – халек.
- Иги – алгъыш этер, аман – къаргъыш этер.
- Кийим тукъум сордурур.
- Илму – джашауну джолу.
- Туз, гырджын аша, тюзлюк бла джаша.
- Къоркъакъны кёзю экили кёрюр.
- Уллу атлама – абынырса, уллу къабма – къарылырса.
- Агъач – джерни чырайы, кийим – эрни чырайы.
- Тил бла келеди джыр да.
- Джол бла сёзню къыйыры джокъ.
- Ёлген эшек бёрюден къоркъмайды.
- Джеринден айырылгъан – джети джылар, джуртундан айырылгъан – ёлгюнчю джылар.
- Башы джабылгъан челекге, кир тюшмез.
- Тёзген – тёш ашар!
- Ашыкъгъанны этеги бутуна чырмалыр.
- Ариу сёз аурууунгу алыр.
- Алтыда кюлмеген, алтмышда кюлмез.
- Бек ашыкъгъан меннге джетсин, дегенди аракъы.
- Къыз чыгъаргъан – къызыл къымжа.
- Кимни – тили, тиши онглу, кимни – къолу, иши онглу.
- Баргъанынга кёре болур келгенинг.
- Насыблы элин сюер, насыбсыз кесин сюер.
- Рысхы – сют юсюнде кёмюк кибикди.
- Къонагъынгы артмагъын алма да, алгъышын ал.
Фонд содействия развитию карачаево-балкарской молодежи «Эльбрусоид»
© 2003-2024 Elbrusoid.org
Все права защищены Законами Гор.
Адрес
- г. Москва, Семеновская пл., 7
тел.: (495) 366-23-54 / 366-39-60
е-mail: elbrusoidmoscow@mail.ru - г. Карачаевск, ул. Ленина, 34а
тел.: (878-79) 2-12-22
е-mail: fond09@elbrusoid.org - г. Нальчик, ул. Ахохова, 92
тел.: (866-2) 77-59-12
е-mail: fond07@elbrusoid.org
|
|
|
|
