Расширенный поиск
1 Июня 2025 года
Логин: Регистрация
Пароль: Забыли пароль?
Навигация
Словарь
  • Джыланны къуйругъундан басарынг келсе, аны башы болгъанын унутма.
  • Джуртун къоругъан озар.
  • Чакъырылмагъан къонакъ къачан кетерин сормаз.
  • Аллахха ийнаннган кишини, Аллах онгдурур ишин.
  • Кёзю сокъурдан – къоркъма, кёлю сокъурдан – къоркъ.
  • Бозаны арты дауур болур.
  • Окъдан джара эртде-кеч болса да бителир, сёз джара, ёмюрге къалыр.
  • Джарлыны тону джаз битер.
  • Адамны аманы адамны бети бла ойнар.
  • Байлыкъ тауусулур, билим тауусулмаз.
  • «Ёгюз, джаргъа джууукъ барма, меннге джюк боллукъса», - дегенди эшек.
  • Ёгюзню мюйюзлери ауурлукъ этмейдиле.
  • Ач къалгъандан, кеч къалгъан къолай.
  • Душманны тышы – акъ, ичи – къара.
  • Кёб ашасанг, татыуу чыкъмаз, кёб сёлешсенг, магъанасы чыкъмаз.
  • Этни да ашады, бетни да ашады.
  • Босагъа таш юйге кирмей эди, тыбыр таш эшикге чыкъмай эди.
  • Ашлыкъ – бюртюкден, джюн – тюкден.
  • Иги адам абынса да, джангылмаз.
  • Иги бла джюрюсенг, джетерсе муратынга, аман бла джюрюсенг, къалырса уятха.
  • Таш ата билмеген, башына урур.
  • Дууулдаса – бал чибин, къонса – къара чибин.
  • Адамны сыфатына къарама, сёзюне къара.
  • Юй ишлеген балта эшикде къалыр.
  • Чакъырылмагъан къонакъ тёрге атламаз.
  • Ёгюзню мюйюзюнден тутадыла, адамны сёзюнден тутадыла.
  • Бёрю да ач къалмасын, эчки да ашалмасын.
  • Насыблыны баласы кюн кюнден да баш болур, насыбсызны баласы, кюн кюнден да джаш болур.
  • Келинни – келгинчи, бёркню кийгинчи кёр.
  • Элни кючю – эмеген.
  • Бир онгсуз адам адет чыгъарды, деб эштирик тюлсе.
  • Адам сёзюнден белгили.
  • Акъыллы айтыр эди, акъылсыз къоймайды.
  • Намысы джокъну – дуниясы джокъ.
  • Илму – джашауну джолу.
  • Джолунга кёре – джюрюшюнг, джагъанга кёре – юлюшюнг.
  • Башы ишлегенни, ауузу да ишлер.
  • Бозанг болмагъан джерге, къалагъынгы сукъма.
  • От этилмеген джерден тютюн чыкъмайды.
  • Насыб бютеу халкъны юлюшюдю.
  • Къуру гыбыт бек дыгъырдар.
  • Халкъны джырын джырласанг, халкъ санга эжиу этер.
  • Кюн – узун, ёмюр – къысха.
  • Адамны бетине къарама, адетине къара.
  • Билим ат болуб да чабар, къуш болуб да учар.
  • Джан саулукъ бермей, сан саулукъ бермезсе.
  • Ёнгкюч къууана барыр, джылай келир.
  • Ашарыкъда сайлагъаннга – чий гырджын.
  • Чабар ат – джетген къыз.
  • Элиб деген, элге болушур.

Форум

Форум / Бёлюмле :: Тематические разделы / Ана тилде :: Ana tilde
Страницы: 1
Беш Тау Эл сагъынылгъан не да Анга аталгъан чыгъармаланы сала барайыкъ былайгъа., ЭЛ - магагъанасы кенг, терен, уллу, мийик ангыламды. Эл - эл, Эл - кърал, Эл - джурт, Эл - дуния...
 
#1
Джаратама0
25.04.2016 02:36:33 Translit
БАБАЛАНЫ Ибрахим

БЕШАТАР

Беш тау элни
Беш да тары -
Олду мени
Бешатарым.
 
 
 
#2
Джаратама0
25.04.2016 02:39:06 Translit
ЛАЙПАНЛАНЫ Билал

БЕШ ТАУ ЭЛ - БЕШ УУАХТЫ НАМАЗ

Бир джурт болмаз Джерде Кавказча,
Минги Тау да – тёппеси аны.
Беш Тау Эл – беш ууахты намазча,
Кёк нюрюнде джулдуз бла Айны.

«Беш Тау Элни беш да тары –
Олду мени бешатарым»,-
Дегенди Ибрахим Баба,
Джуртдан кёл да, сёз да таба.

Хау, Беш Тау Эл – беш ууахты намаз,
Бешатар ушкок да бизге.
Терсликни Аллах унамаз,
Джол берир Тюзлюкге, Тюзге.

Бизге къазгъан урусуна
Душман кеси тюшмей къалмаз.
Халкъны тынглайма ауазына:
Беш Тау Эл – беш ууахты намаз.
 
 
 
#3
Джаратама1
25.04.2016 02:41:55 Translit
ЁЗДЕНЛАНЫ Альберт

ДЖАНЫМ КЪУРМАН БОЛСУН МАЛКЪАРГЪА
(джыр)

Жюрегингде пелиуанлыкъ жашагъан,
Ариулугъу сюймекликге ушагъан,
Тау намысы ушап тауда акъ къаргъа...
Жаным къурман болсун Журтум Малкъаргъа!

Мен бетиме салсам къолун анамы,
Беш бармагъын Беш Тау Эли сунама,
Эринлерим сыласала аланы,
Сау Малкъарны уппа этген сунама!

Зар кёз тие кёк суууна,ташына,..
Ариулугъу душман бола башына,
Таш башында амал тапхан жашаргъа,
Жаным къурман болсун тажал Малкъаргъа!

Мен бетиме салсам къолун анамы,
Беш бармагъын Беш Тау Эли сунама,
Эринлерим сыласала аланы,
Сау Малкъарны уппа этген сунама!

Тешдиртмеген тинин зорлукъ садакъгъа,
Сюргюнде да тилемеген садакъа,
Дерт тутмагъан Аллах берген къадаргъа,
Жаным къурман болсун шыйых Малкъаргъа!

Мен бетиме салсам къолун анамы,
Беш бармагъын Беш Тау Эли сунама,
Эринлерим сыласала аланы,
Сау Малкъарны уппа этген сунама!

Жаным саудан ачхан жандет эшигим,
Ёлсем, ырахат жукълар топуракъ бешигим,
Ата Журтум, Ана Сютюм, Къадарым-
Жаным къурман болсун санга, Малкъарым!

Мен бетиме салсам къолун анамы,
Беш бармагъын Беш Тау Эли сунама,
Эринлерим сыласала аланы,
Сау Малкъарны уппа этген сунама!
 
 
 
#4
Джаратама0
25.04.2016 02:42:55 Translit
ЖАБЕЛЛАНЫ Лаура

МАЛКЪАРЫМ

О, Малкъарым, санга тансыкъдан бирде
булутланы къарлы таугъа ушатдым,
Аллах айтып, жашнап тургъун ёмюрде,
тансыкълыгъым – сюйгениме шагъатым.

Беш Тау Элим, сен – беш учлу жулдузум,
умутуму, ийнамымы бешиги...
Чурум бир кёп, амал – къысха, жол – узун,–
ачармамы жан тынчлыкъны эшигин ?

Жарсыуладан болгъан кибик ышыгъым,
кёрюнесе Жаннет кибик кёзюме,
анамача, къучагъынга ашыкъдым,
къор болайым жайларынга, кюзюнге!

Алты харфынг тёрт санымдан багъалы,
жан тамырым – Эркинликни ёзени.
Къыйынлыкъда чыдай билген Малкъарым,
Фирдауусда тапха эдим мен сени...
 
 
 
#5
Джаратама1
26.04.2016 00:35:43 Translit
Зумакъулланы Танзиля

МАЛКЪАРЫМ

Беш тау элинг жашар ючюн бу ташда,
Ёхтемликде, ачыу кёрмей, къууанчда,
Беш да жаным болса, барын берирем,
Ташларынгы мен къучакълай ёлюрем!
Манга саугъа къаты ташынг, акъ къарынг,
Тюз ниетли, татлы тилли Малкъарым!

Намыс, сыйны бийикледе туталгъан,
Сёз айтханда, дуния эштирча айталгъан.
Тепсегенде, дуниягъа къарс кьакъдыргъан,
Ташда от да, ташда гюл да чакъдыргъан.

Къула тюзге къуйгъанда жашын, къартын,
Кёмген суна ёмюрлеге журт отун,
Жаннган отдан жанмагъанлай чыгъалгъан,
Тобукъланмай, намысында къалалгъан,
Ахшыларын миндиралгъан ёрлеге,
Къартларын да олтурталгъан тёрлеге,
Малкъар! Мени къарыусузгъа санама,
Къыйын кюнде тыянч болур балангма.

Ичлеринде ёмюр жарсыу къайнагъан,
Ачыуладан ёз ташларын чайнагъан
Тауларынгы мен тиллерин ачарма,
Жарытырма, къайгъыларын чачарма.

Сен чыкъ десенг, къазауатха чыгъарма.
Къажауунгу мен, окъ болуп, жыгъарма.
Къызыу болсанг, жауун болуп, жауарма.
Сууукъ болсанг, отун болуп жанарма.

Тыпырынгы жаныуумда жылыта,
Барын - ёрню, энишни да жарыта,
Бушууунгу, жарсыуунгу къурута,
Сау дуниягьа иги бла таныта,
Къууанчынга ахшыланы жыярма,
Этегинги алтын бла къыярма.

Аллах айтып, муратыма жеталсам,
Ёлмез кибик, санга тенг жыр эталсам,
Керти окъун халкъ шайыры болурма,
Бу тауланы нарт шайыры болурма,
Ёмюрлеге жумуш эте турурма.
Изменено: shaudan - 26.04.2016 00:38:36
 
 
 
#6
Джаратама1
26.04.2016 01:28:18 Translit
Нашла в теме тексты песен. Автора не знаю.

*Беш тау элден къуралгъан*

Беш тау элден къуралгъан,
Беш тау элден туралгъан,
Малкъарны тансыкълайма мен.
Анабызны сютюча,
Аны туз гыржыныча,
Сюе эсде тутама мен.
Сюеме тау кырдыкны,
Жаз башы чуакъ кюнню,
Малкъарны танг ариулугъу
Омакъдан омакъ чагъа,
Журтунга юлгю сала,
Келедиле санга сукълана.
Бийик баргъан къаяларынг,
Ахырсыз шауданларынг,
Элиме къууат бередиле.
Тауласыз Малкъар болмаз,
Таулусуз Малкъар онгмаз
Ма олду мени айтырым.
Если радость придет, радость прими
И не гордись, будь достоин ее.
Если горе придет, губы сожми
И не страшись, будь достоин его.

К. Кулиев
 
 
 
Страницы: 1
Читают тему (гостей: 1)

Форум  Мобильный | Стационарный