Расширенный поиск
29 Марта  2024 года
Логин: Регистрация
Пароль: Забыли пароль?
  • Биреуге кёлтюрген таягъынг, кесинги башынга урур.
  • Акъыллы айтыр эди, акъылсыз къоймайды.
  • Тели турса – той бузар.
  • Ёзденликни джайгъан – джокълукъ.
  • Огъурлуну сёзю – суу, огъурсузну сёзю – уу.
  • Сакъ юйюне сау барыр.
  • Къарт айтханны этмеген, къартаймаз.
  • Къартны сыйын кёрмеген, къартлыгъында сыйлы болмаз.
  • Ёксюзню тилеги къабыл болур.
  • Тенгни тенглиги джашай барсанг билинир.
  • Нёгер болсанг, тенг бол, тенг болмасанг, кенг бол.
  • Джахил болса анасы, не билликди баласы?
  • Чарсда алчыны эл кёреди.
  • Окъуу – билимни ачхычы, окъуу – дунияны бачхычы.
  • Сескекли кесин билдирир.
  • Кийимни бир кюнню аясанг, минг кюннге джарар.
  • Кёб джат да, бек чаб.
  • Джюрекге ариу – кёзге да ариу.
  • Татлы сёз – балдан татлы.
  • Джюз элде джюз ёгюзюм болгъандан эсе, джюз джууугъум болсун.
  • Биреуню къыйынлыгъы бла кесинге джол ишлеме.
  • Билмегенинги, билгеннге сор.
  • Джети тилни билген джети кишиди.
  • Джыланны къуйругъундан басарынг келсе, аны башы болгъанын унутма.
  • Аманнга да, игиге да оноусуз къатышма.
  • Къызбайны юйюне дери сюрсенг, батыр болур.
  • Кёзден кетген, кёлден да кетеди.
  • Ач къарным, тынч къулагъым.
  • Ариу джол аджал келтирмез.
  • Ариуну – ауруу кёб.
  • Сууда джау джокъ, кёб сёзде магъана джокъ.
  • Юре билмеген ит, къонакъ келтирир.
  • Ашын ашагъанынгы, башын да сыйла.
  • Билим къая тешер.
  • Къошда джокъгъа – юлюш джокъ.
  • Къобан да къуру да къобханлай турмайды, адам да къуру да патчахлай турмайды.
  • Тешигини къатында, чычхан да батыр болур.
  • Джол бла сёзню къыйыры джокъ.
  • Билмейме деген – бир сёз
  • Къонакъ аман болса, къонакъбай джунчур
  • Керек ташны ауурлугъу джокъ.
  • Ашаса, ашамаса да, бёрюню ауузу – къан.
  • Джогъун бар этген, барын бал этген.
  • Айныгъанлы алты кюн, тогъайгъанлы тогъуз кюн.
  • Aдам боллукъ, сыфатындан белгили.
  • Адамны артындан къара сабан сюрме.
  • Хансыз джомакъ болмаз.
  • Эринчекни аурууу – кёб.
  • Ауузу бла къуш тута айланады.
  • Къайгъы тюбю – тенгиз.
Страницы: 1
День памяти жертв депортации карачаевского народа., 2 ноября в 15:30 в Эльба-Нальчик.
 
В многовековой истории народов Северного Кавказа было много трагических страниц. Прошло 72 года с тех пор как был приведен в действие приказ о насильственном выселении карачаевцев из родной земли. Чудовищная несправедливость! Тысячи обездоленных и осиротевших детей, тысячи матерей потерявших своих детей.

2 ноября в 15:30 Нальчикском филиале фонда Эльбрусоид пройдет вечер памяти тех страшных событий. Планируется просмотр фильма Хусейна Эркенова - "Холод" .

Ждем всех неравнодушных.

 
Загрузка плеера
Изменено: romantik - 02.11.2015 14:35:05
 
Загрузка плеера
Изменено: romantik - 02.11.2015 20:20:01
 
Жетмиш эки жыл толады быйыл къарачайлыланы зорлукъ бла жашагъан жеринден кёчюрюп Казахстаннга бла Орта азиягъа элтгенлерине.
Къарачайлыла биринчи сынагъандыла кёчкюнчюлюкню уллу палахын. 2-чи ноябрьда 1943 жылда танг аласында, эки сагъатны ичинде тау эллени тюп этдиле. Таулу аты болгъан адамланы барында, сабий, къарт, тиширыу, сакъат демей бир адамны къоймай мал вагонлагъа жыйып ашырдыла.
Кёчкюнчюлюкге 36 эшелон бла 69. 267 адамны ашыргъандыла. Аланы ичинде кёбюсю сабийле, тиширыула, къарт адамла, не да урушдан жаралы болуп къайтханла болгъандыла.



Жолда 20 кюнню ичинде 653. Асыраргъа онг болгъанда темир жоллну къатында асырагъандыла, алай а кёбюсю жол жанларында аталып къалгъандыла. Ол битеу затланы биз Эркенланы Хусейнны киносунда кёребиз. Гитче заманыбызда ата бабаларыбыздан эшитген хапарланы кинода ачыкълайды. Биринчи келгенлеге бираз хапар айтыкъ ол къара заманны юсюнден.


Кёчгюнчюлюкде таулу миллет кёп затын тас этгенди, окъургъа амал болмагъанды. Сора бир жерге кёчюрюп къоймай, башха башха жерлеге кёчюргендиле, аны ючюн да бек къыйын болгъанды адамлагъа. Бир бирле юйюрлерин тас этип, сабийле ёксюз къалып.



Тёрт айдан сора уа 8-чи мартда, къарачайлыланы ызындан таулуланы да кёчюргендиле.



Не заманда да таулула кеслерини туугъан жерлерин бек сюйгендиле. Жерсиз къалгъан, юйлерин да хар несинда къоюп миллетибизни кёп жыллагъа ёксюз этгенди. Жазыучуларыбызны чыгъармачылыкъларында аны кёрге боллукъду. Къулийланы Къайсынны назмусу "Туугъан жериме":

Санга алгъыш эте, чыгъама тангнга,

Сени унутурча кюн туумаз манга.

Буз кибик суукъ сууларангдан къандым,

Сени тансыкълап, жилядым, къууандым.


Сенсиз насып болмаз бир инсанынга,

Къор болайым, туугъан жерим, мен санга!


Сангырау болсам да, эшитип турурма

Чапыракъ тауушунгу кюз артында.

Сокъур болсам да, ажашмай барырма

Къызыл къаным боягъан жолларынгда.


Кёз, жюрек жарыкъ да сенсе инсаннга,

Къор болайым, туугъан жерим, мен санга!


Къургъакъ къарынгда аякъ тауушуму,

Къайда болсам да, турурма эшитгенлей.

Ол жашил жайынгы, о л акъ къышынгы

Не узакъда да турама кёргенлей.


Насып да, къууанч да сенсе хар саугъа,

Къор болайым, туугьан жерим, мен санга!


Жашларынгы, къызларынгы тепсеуюн,

Жырларын да жюрютеме кёлюмде.

Ичгенме, къапланып терк сууларынга,

Къор болайым, туугъан жерим, мен санга!


Санларыбызда къан — сени къанынгды,

Жюрек кючюбюзню алгъанбыз сенден.

Жюрегибизде жыр — сени жырынгды,

Таймай къатлайма мен кечеде-кюнда:


Бар насыбы да сенсе жаны саугъа,

Къор болайым, туугъан жерим, мен санга!..

 
Кёбюсю сабийле жилямукъларын тыялмай эдтиле кинону къарагъанда. Эм ачы кёрюннгени ол кинода кесибизни тилибизде селешгени баш жигитлери. Терен жюрек жарсыу бла ётдюрдюк тюнене кюнюбюзню.






 
 
Аллах ол къыйынлыкъны унутдурмасын бизге, бир миллет аны сынамасын.
Страницы: 1
Читают тему (гостей: 1)

Форум  Мобильный | Стационарный