- Адам къаллай бир ишленмесе, аллай бир кесин уллу кёреди.
- Кесинг сынамагъан затны, адамгъа буюрма.
- Джашынгы кесинг юретмесенг, джашау юретир.
- Тешик этген тынчды, аны джамагъан къыйынды.
- Аууздан келген, къолдан келсе, ким да патчах болур эди.
- Къолунгдан къуймакъ ашатсанг да, атаны борчундан къутулмазса.
- Ашлыкъ – бюртюкден, джюн – тюкден.
- Бюгюн дуния кибик, тамбла ахыратды.
- Сёз садакъдан кючлюдю.
- Джети тилни билген джети кишиди.
- Аман адам элни бир-бирине джау этер.
- Акъыл къартда, джашда тюйюлдю – башдады.
- Акъыллы – эл иеси, тели – эл баласы.
- Биреуню къыйынлыгъы бла кесинге джол ишлеме.
- Байдан умут эте, джарлыдан ёгюз багъасы къорады.
- Алгъанда – джууукъ, бергенде – джау.
- Чалманны аллы къалай башланса, арты да алай барады.
- Ёнгкюч къууана барыр, джылай келир.
- Рысхысына кёре, джаш ёсер, къышлыгъына кёре, мал ёсер.
- Таугъа чыгъаллыкъ эсенг, тюзде къалма.
- Джарашыу сюйген – джалынчакъ.
- Къыз келсе, джумуш эте келеди, къатын келсе, ушакъ эте келеди.
- Гитче джилтин уллу элни джандырыр.
- Джылар джаш, атасыны сакъалы бла ойнар.
- Татлы тилде – сёз ариу, чемер къолда – иш ариу.
- Аллахха ийнаннган кишини, Аллах онгдурур ишин.
- Эркиши – от, тиширыу – суу.
- Ат да турмайды бир териде.
- Сютден ауузу кюйген, суугъа юфгюре эди.
- Билим ат болуб да чабар, къуш болуб да учар.
- Бети къызарыучу адамны, джюреги харам болмаз.
- Къонакъны къачан кетерин сорма, къачан келлигин сор.
- Бал ашаргъа сюе эсенг, чибин ургъаннга тёз.
- Сескекли кесин билдирир.
- Тойну къарнашы – харс, джырны къарнашы – эжиу.
- Ашхы сёз таш тешер.
- Ашхы атаны – джашы ашхы, ашхы ананы – къызы ашхы.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Кёкдеги болмаса, джердегин кёрмейди.
- Эл ауузу – элек, анга ийнаннган – халек.
- Ётген ёмюр – акъгъан суу.
- Ауузу аманнга «иги», деме.
- Эри аманны, къатыны – аман.
- Джумушакъ терекни къурт ашар.
- Эшекге миннген – биринчи айыб, андан джыгъылгъан – экинчи айыб.
- Элде адам къалмаса, ит тахтагъа минер.
- Биреу ашаб къутулур, биреу джалаб тутулур.
- Аш кетер да бет къалыр.
- Халкъгъа джарагъан, джарлы къалмаз.
- Адебни адебсизден юрен.
Профиль
|
|
|||