- Адамны аманы адамны бети бла ойнар.
- Болджал ишни бёрю ашар.
- Эрине къаргъыш этген къатын, эрнин къабар.
- Ашарыкъда сайлагъаннга – чий гырджын.
- Ач уят къоймаз.
- Уллу сёзде уят джокъ.
- Аш берме да, къаш бер.
- Хантына кёре тузу, юйюне кёре къызы.
- Кенгеш болса, уруш болмаз.
- Кёл – къызбай, къол – батыр.
- Къонакъ болсанг, ийнакъ бол.
- Минг тенг да азды, бир джау да кёбдю.
- Эски джаугъа ышанма.
- Эки къатын алгъанны къулагъы тынгнгаймаз.
- Джаз бир кюнню джатсанг, къыш талай кюнню абынырса.
- Къыз чыгъаргъан – къызыл къымжа.
- Чомарт къонакъ юй иесин сыйлар.
- Гугурук къычырмаса да, тангны атары къалмаз.
- Бозанг болмагъан джерге, къалагъынгы сукъма.
- Ачлыкъда тары гырджын халыуадан татлы.
- Къатыны харакетли болса, эри къымсыз болур.
- Аджалсыз ёлюм болмаз.
- Чёбню кёлтюрсенг, тюбюнден сёз чыгъар.
- Арбаз сайлама да, хоншу сайла.
- Хар сёзню орну барды.
- Келинни – келгинчи, бёркню кийгинчи кёр.
- Къайгъыны сюйген, къайгъы табар.
- Ашхы сёз таш тешер.
- Ауругъаннга – кийик саулукъ, джетген къызгъа – чилле джаулукъ.
- Къобан да къуру да къобханлай турмайды, адам да къуру да патчахлай турмайды.
- Этим кетсе да, сюегим къалыр.
- Джангызны оту джарыкъ джанмаз!
- Адеб этмеген, адеб кёрмез.
- Къартны бурнун сюрт да, оноугъа тут.
- Джыйырма къойну юч джыйырма эбзе кюте эди.
- Адам сёзюнден белгили.
- Ёксюзню тилеги къабыл болур.
- Кёкдеги болмаса, джердегин кёрмейди.
- Акъыллы башны – тили къысха.
- Ашлыкъ – бюртюкден, джюн – тюкден.
- Акъыл сабырлыкъ берир.
- Чабар ат – джетген къыз.
- Сангырау къулакъ эл бузар.
- Билим къая тешер.
- Аууз сакълагъан – джан сакълар.
- Адамны аты башхача, акъылы да башхады.
- Ачыу алгъа келсе, акъыл артха къалады.
- Къонакъ кёб келюучю юйню, къазаны отдан тюшмез.
- Арбаз къынгырды да, ийнек сауалмайма.
- Азыгъы аз, алгъа къабар, аты аман, алгъа чабар.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72