- Ач, тоймам, дейди, тойгъан, ач болмам, дейди.
- Ётюрюкню башын керти кесер.
- Тили узунну, намысы – къысха.
- Эртде тургъан бла эртде юйленнген сокъуранмаз.
- Сёз садакъдан кючлюдю.
- Къайгъыны сюйген, къайгъы табар.
- Ким бла джюрюсенг, аны кёзю бла кёрюнюрсе.
- Телиге от эт десенг, юйюнге от салыр.
- Ойнай билмеген, оюн бузар.
- Игини сыйлагъан адетди.
- Кюн – узун, ёмюр – къысха.
- Джуртун къоругъан озар.
- Чомарт къолда мал къалмаз.
- Эринчекге кюн узун.
- Онгсузну – джакъла, тенгликни – сакъла.
- Джашда акъыл джокъ, къартда къарыу джокъ.
- Келинин тута билмеген, къул этер, къызын тута билмеген, тул этер.
- Тёзгеннге, джабылгъан эшик ачылыр.
- Эринчекни аурууу – кёб.
- Къар – келтирди, суу – элтди.
- Сормай – алма, чакъырылмай – барма.
- Кийимни бичсенг, кенг бич, тар этген къыйын тюлдю.
- Тынгылагъан тынгы бузар.
- Дууулдаса – бал чибин, къонса – къара чибин.
- Аш берме да, къаш бер.
- Кёрмегеннге кебек – танг, битмегеннге сакъал – танг.
- Джарлы тюеге минсе да, ит къабар.
- Джарлыны эшигин махтагъан джабар.
- Иги бла джюрюсенг, джетерсе муратынга, аман бла джюрюсенг, къалырса уятха.
- Чалманны аллы къалай башланса, арты да алай барады.
- Къумурсхала джыйылсала, пилни да джыгъадыла.
- Ачыкъ джюрекге джол – ачыкъ.
- Эте билген, этген этеди, эте билмеген, юретген этеди!
- «Ма», - дегенни билмесенг, «бер», - дегенни билмезсе.
- Билим насыб берир, билим джолну керир.
- Арыгъан къош чамчы болур.
- Джылыгъа джылан илешир.
- Бетинги сатма, малынгы сат.
- Гитче джилтин уллу элни джандырыр.
- Бюгюн дуния кибик, тамбла ахыратды.
- Орундукъ тюбюнде атылсам да, орта джиликме, де да айлан.
- Насыблы элин сюер, насыбсыз кесин сюер.
- Терек ауса, отунчу – кёб.
- Босагъа таш юйге кирмей эди, тыбыр таш эшикге чыкъмай эди.
- Адамны бетине къарама, адетине къара.
- Намысы болмагъанны, сыйы болмаз.
- Айран ичген – къутулду, джугъусун джалагъан – тутулду.
- Къартха ушагъан джаш – акъыллы, джашха ушагъан къарт – тели.
- Экеулен сёлеше тура эселе, орталарына барыб кирме.
- Къыз келсе, джумуш эте келеди, къатын келсе, ушакъ эте келеди.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72