- Хаухну атма, ёнгкючню сатма.
- Эм уллу байлыкъ – джан саулукъ.
- Азыкъ аз болса, эртде орун сал.
- Чомартны къолун джокълукъ байлар.
- Бет бетге къараса, бет да джерге къарар.
- Къоркъакъны кёзю экили кёрюр.
- Аллахха ийнаннган кишини, Аллах онгдурур ишин.
- Тюкюрюк баш джармаз, налат кёз чыгъармаз!
- Кийиминг бла танылма, адамлыкъ бла таныл.
- Чакъырылмагъан къонакъ тёрге атламаз.
- Агъач – джерни чырайы, кийим – эрни чырайы.
- Къонакъ аз олтурур, кёб сынар.
- Ач къарынны, токъ билмез
- Уллу сёзде уят джокъ.
- Айтылгъан буйрукъ, сёгюлмез
- Тил бла келеди джыр да.
- Башынга джетмегенни сорма.
- Джангызны оту джарыкъ джанмаз!
- Сакъ юйюне сау барыр.
- Ач, тоймам, дейди, тойгъан, ач болмам, дейди.
- Джарлыны тону джаз битер.
- Тели турса – той бузар.
- Джаханимни кёрмей, джандетге кёл салмазса.
- Харам къарнашдан, халал тенг ашхы.
- Ариу сёз – къылычдан джити.
- Ойнай билмеген, оюн бузар.
- Эл ауузу – элия.
- Къралынгы – душмандан, башынгы от бла суудан сакъла.
- Уллу суу бла уллу ауруудан башынгы сакъла.
- Ишленмеклик адамлыкъды.
- Таула не мийик болсала да, аууш табылыр.
- Тёзгеннге, джабылгъан эшик ачылыр.
- Аякъларынгы джууургъанынга кёре узат.
- Юйюнг бла джау болгъандан эсе, элинг бла джау бол.
- Иги адам абынса да, джангылмаз.
- Сабий болмагъан джерде, мёлек болмаз.
- Бир онгсуз адам адет чыгъарды, деб эштирик тюлсе.
- Алтыннга тот къонмаз.
- Кёзден кетген, кёлден да кетеди.
- Ана къойну – балагъа джандет.
- Кёл – къызбай, къол – батыр.
- Ата Джуртча джер болмаз, туугъан элча эл болмаз.
- Душманны тышы – акъ, ичи – къара.
- Азыгъы аз, алгъа къабар, аты аман, алгъа чабар.
- Ана кёлю – балада, бала кёлю – талада.
- Кёз – сюйген джерде, къол – ауругъан джерде.
- Кёб къычыргъандан – къоркъма, тынч олтургъандан – къоркъ.
- Билим насыб берир, билим джолну керир.
- Ауругъан – джашаудан умутчу.
- Ишлегенден, къарагъан уста.
Профиль
|
|
|
|||