- Къатын къылыкъсыз, эр тынчлыкъсыз.
- Кесине гебен этелмеген, биреуге черен эте эди.
- Тойгъан джерге джети къайт.
- Бир онгсуз адам адет чыгъарды, деб эштирик тюлсе.
- Хоншуну тауугъу къаз кёрюнюр, келини къыз кёрюнюр.
- Джиби бир къат джетмей эди да, эки къат тарта эди.
- Накъырданы арты керти болур.
- Айранын берсенг, челегин да къызгъанма.
- Ашхы тенг джолгъа салыр, аман тенг джолдан тайдырыр.
- Арбаз къынгырды да, ийнек сауалмайма.
- Аманнга игилик этсенг, юйюнге сау бармазса.
- Къайгъы тюбю – тенгиз.
- Ышармагъан – кюлмез, кюлмеген – къууанчны билмез.
- Чакъырылгъанны аты, чакъырылмагъанны багъасы болур.
- Татлы тилде – сёз ариу, чемер къолда – иш ариу.
- Тойгъандан сора, ашны сёкме.
- Айран ичген – къутулду, джугъусун джалагъан – тутулду.
- Чёбню кёлтюрсенг, тюбюнден сёз чыгъар.
- Ана – юйню кюн джарыгъы.
- Бети бедерден, намыс сакълама.
- Босагъагъа джууукъ орун болса, ашыгъыб тёрге озма.
- Къарын къуру болса, джюрек уру болур.
- Джарлыны эшигин махтагъан джабар.
- Ашхы адам – халкъ байлыгъы, ашхы джер – джашау байлыгъы.
- Айтылгъан сёз ызына къайтмаз.
- Адамны аманы адамны бети бла ойнар.
- Тели турса – той бузар.
- Аманнга да, игиге да оноусуз къатышма.
- Нафысынгы айтханын этме, намысынгы айтханын эт.
- Ашарыкъда сайлагъаннга – чий гырджын.
- Джарашыу сюйген – джалынчакъ.
- Ачны эсинде – аш.
- Иги сёз – джаннга азыкъ, аман сёз башха – къазыкъ.
- Адам къыйынлыгъын кёлтюрюр, зауукълугъун кёлтюрмез.
- Тил – кесген бычакъ, сёз – атылгъан окъ.
- Ариуну – ауруу кёб.
- Ичимден чыкъды хата, къайры барайым сата?
- Тик ёргени, тик энгишгеси да болады.
- Кюн – узун, ёмюр – къысха.
- Сютню башын джалагъан къутулур, тюбюн ичген тутулур.
- Ариу сёз – къылычдан джити.
- Юй ишлеген балта эшикде къалыр.
- Ёлген эшек бёрюден къоркъмайды.
- Билим ат болуб да чабар, къуш болуб да учар.
- Кёлю джокъну – джолу джокъ.
- Билмейме деген – бир сёз
- Акъыллы – эл иеси, тели – эл баласы.
- Ачыу алгъа келсе, акъыл артха къалады.
- Уллу сёлешме да, уллу къаб.
- Айран тёгюлсе, джугъусу къалыр.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72