- Кесинге джетмегенни, кёб сёлешме.
- Кюн – узун, ёмюр – къысха.
- Ишлегенде эринме, ишде чолакъ кёрюнме.
- Джарлы эскисин джамаса, къууаныр.
- Сютню башын джалагъан къутулур, тюбюн ичген тутулур.
- Кийиминг бла танылма, адамлыкъ бла таныл.
- Ата Джуртча джер болмаз, туугъан элча эл болмаз.
- Зарда марда джокъ.
- Адам сёзге тынгыла, акъыл сёзню ангыла.
- Къарт айтханны этмеген, къартаймаз.
- Ашхы атаны – джашы ашхы, ашхы ананы – къызы ашхы.
- Туз, гырджын аша, тюзлюк бла джаша.
- Къыз келсе, джумуш эте келеди, къатын келсе, ушакъ эте келеди.
- Ашатыргъа иш – ашхы, ишлетирге аш – ашхы.
- Аллахха ийнаннган кишини, Аллах онгдурур ишин.
- Ашхы болсанг, атынг чыгъар, аман болсанг, джанынг чыгъар.
- Тыш элде солтан болгъандан эсе, кесинги элде олтан болгъан игиди!
- Эшекни не къадар тюйсенг да, ат болмаз.
- Ётген ёмюр – акъгъан суу.
- Таукел къуру къалмаз.
- Къалгъан ишге къар джауар.
- Ана – юйню кюн джарыгъы.
- Джашны джигитлиги сорулур, къызны джигерлиги сорулур.
- Тилчи тилден къаныкъмаз.
- Ачлыкъда тары гырджын халыуадан татлы.
- Сёлеш деб шай берген, тохта деб, сом берген.
- Къумурсхала джыйылсала, пилни да джыгъадыла.
- Чабакъсыз кёлге къармакъ салгъанлыкъгъа, чабакъ тутмазса.
- Къайтырыкъ эшигинги, къаты уруб чыкъма.
- Суу ичген шауданынга тюкюрме.
- Иги бла джюрюсенг, джетерсе муратынга, аман бла джюрюсенг, къалырса уятха.
- Урунуу – насыбны анасы.
- Аманнга алтын чыдамаз.
- Байлыкъ келсе, акъыл кетер.
- Къаллай салам берсенг, аллай джууаб алырса.
- Ариу сёз джыланны орнундан чыгъарыр.
- Къоркъакъны кёзю экили кёрюр.
- Ханы къызы буюгъа-буюгъа киштик болду.
- Джыланны къуйругъундан басарынг келсе, аны башы болгъанын унутма.
- Ашхы сёз таш тешер.
- Адеби болмагъан къыз – тузсуз хант.
- Айтхан сёзюне табылгъан.
- Къулакъдан эсе, кёзге ышан.
- Олтуруб кёрюнмей эди да, ёрге туруб кёрюне эди.
- Алтыннга тот къонмаз.
- Нарт сёз – тилни бети.
- Ёгюзню мюйюзюнден тутадыла, адамны сёзюнден тутадыла.
- Тилсиз миллет джокъ болур.
- Тели турса – той бузар.
- Ариу – кёзге, акъыл – джюрекге.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72