- Тил джюрекге джол ишлейди.
- Чабакъгъа акъыл, табагъа тюшсе келеди.
- Гитче джилтин уллу элни джандырыр.
- Къыйынлы джети элни къайгъысын этер.
- Тойчу джашха къарама, къойчу джашха къара.
- Тенги кёбню джау алмаз, акъылы кёбню дау алмаз.
- Ойнай билмеген, оюн бузар.
- Бети – къучакълар, джюреги – бычакълар.
- Билим ат болуб да чабар, къуш болуб да учар.
- Къазанны башы ачыкъ болса, итге уят керекди.
- Ач келгенни – тойдур, кеч келгенни – къондур.
- Аш иеси бла татлыды.
- Тамырсыз терекге таянма – джыгъылырса.
- Къумурсхала джыйылсала, пилни да джыгъадыла.
- Керек ташны ауурлугъу джокъ.
- Тыш элде солтан болгъандан эсе, кесинги элде олтан болгъан игиди!
- Тёрени джагъы джокъ.
- Тил – кесген бычакъ, сёз – атылгъан окъ.
- Джангызны оту джарыкъ джанмаз!
- Ауругъанны сау билмез, ач къарынны токъ билмез.
- Акъыллы башны – тили къысха.
- Юйюнгден чыкъдынг – кюнюнгден чыкъдынг.
- Абынмазлыкъ аякъ джокъ, джангылмазлыкъ джаякъ джокъ.
- Бойнуму джети джерден кессенг да, мен ол ишни этеллик тюлме.
- Аджашханны ызындагъы кёреди, джангылгъанны джанындагъы биледи.
- Уруну арты – къуру.
- Гугурук къычырмаса да, тангны атары къалмаз.
- Джарлыны тону джаз битер.
- Ач отунчуну ачыуу – бурнунда.
- Термилгенинги табмазса, кюлгенинге тюберсе.
- Байны къызы баймакъ болса да, юйде къалмаз!
- Биреуню къыйынлыгъы бла кесинге джол ишлеме.
- Кёзню ачылгъаны – иги, ауузну джабылгъаны – иги.
- Кёз – сюйген джерде, къол – ауругъан джерде.
- Тамчы таш тешер.
- Иги бла джюрюсенг, джетерсе муратынга, аман бла джюрюсенг, къалырса уятха.
- Къарт айтханны этмеген, къартаймаз.
- Урама да – ёледи, сатама да – келеди.
- Ариуну – ауруу кёб.
- Къонакъ аман болса, къонакъбай джунчур
- Рысхы джалгъанды: келген да этер, кетген да этер.
- Насыб бютеу халкъны юлюшюдю.
- Ата – билек, ана – джюрек!
- Ач къарным, тынч къулагъым.
- Зарда марда джокъ.
- Экеу тутушса, биреу джыгъылыр.
- Ата – баланы уясы.
- Билмегенинги, билгеннге сор.
- Джаш болсун, къыз болсун, акъылы, саны тюз болсун.
- Сибиртки да сыйлы болду, кюрек да кюнлю болду.
Профиль
|
|
|||