Эльбрусоид :: Форум :: Архив форумов

Элни кючю – эмеген.
Этни бети бла шорпасы.
Кирсизни – саны таза, халалны – къаны таза.
Эркиши – от, тиширыу – суу.
Эрине къаргъыш этген къатын, эрнин къабар.
Гугурук къычырмаса да, тангны атары къалмаз.
Джылыгъа джылан илешир.
Хунаны тюбюн къазсанг, юсюнге ауар.
Адамны сыфатына къарама, сёзюне къара.
Бети бедерден, намыс сакълама.
Кёб ант этген, кёб ётюрюк айтыр.
Таула не мийик болсала да, аууш табылыр.
Эте билген, этген этеди, эте билмеген, юретген этеди!
Сёлеш деб шай берген, тохта деб, сом берген.
Биреу къой излей, биреу той излей.
Джашны джигитлиги сорулур, къызны джигерлиги сорулур.
Эл тойса, тоймагъан, эл къойса, къоймагъан.
Чомартха хар кюн да байрамды.
Чомартны къолу берекет.
Ауурну тюбю бла, дженгилни башы бла джюрюген.
Къолунгдан къуймакъ ашатсанг да, атаны борчундан къутулмазса.
Ушамагъан – джукъмаз.
Аман эсирсе, юйюн ояр.
Байма, деб да, къууанма, джарлыма, деб да, джылама.
Джогъун бар этген, барын бал этген.
Къызбайны юйюне дери сюрсенг, батыр болур.
Къонакъ болсанг, ийнакъ бол.
Ойнаб айтсанг да, эслеб айт.
Ёгюзню мюйюзлери ауурлукъ этмейдиле.
Билеги кючлю, бирни джыгъар, билими кючлю, мингни джыгъар.
Айырылмаз джууугъунга, унутмаз сёзню айтма.
Хар зат кесини орнуна иги.
Рысхы – сют юсюнде кёмюк кибикди.
Билим ат болуб да чабар, къуш болуб да учар.
Джарлы джети элни сёзюн этер.
Дуния аламаты сен эсенг да, игиме деб айтма.
Къарт бла баш аша, джаш бла аякъ аша.
Айраннга суу къош, телиге джол бош.
Къыз келсе, джумуш эте келеди, къатын келсе, ушакъ эте келеди.
Акъыл бла адеб эгизледиле.
Ата Джуртуму башы болмасам да, босагъасында ташы болайым.
Адам туугъан джеринде, ит тойгъан джеринде.
Чабакъсыз кёлге къармакъ салгъанлыкъгъа, чабакъ тутмазса.
Ауузу аманнга «иги», деме.
Окъ къызбайны джокълайды.
Айтхан сёзюне табылгъан.
Билимсиз иш бармаз.
Бозанг болмагъан джерге, къалагъынгы сукъма.
Арбаз къынгырды да, ийнек сауалмайма.
Тил – миллетни джаны.

Логин:
Пароль:
	Запомнить меня на этом компьютере

Забыли свой пароль?
Регистрация