- Таш бла ургъанны, аш бла ур.
- Сакъламагъан затынга джолукъсанг, не бек къууанаса, не бек ачыйса.
- Къарнынг къанлынга кийирир.
- Олтуруб кёрюнмей эди да, ёрге туруб кёрюне эди.
- Эшекни не къадар тюйсенг да, ат болмаз.
- Таукел тауну аудурур.
- Ат басханны джер билед.
- Къууут – джелге, берне – бошха.
- Акъдан къара болмаз.
- Ата – баланы уясы.
- Адам къыйынлыгъын кёлтюрюр, зауукълугъун кёлтюрмез.
- Тилчи бир сагъатха айлыкъ хата этер.
- Мадар болса, къадар болур.
- Ёгюзню мюйюзлери ауурлукъ этмейдиле.
- Рысхы – сют юсюнде кёмюк кибикди.
- Ач уят къоймаз.
- Акъылсызны джууукъгъа алма, акъыллыны кенгнге салма.
- Насыб бютеу халкъны юлюшюдю.
- Ачлыкъ отха секиртир.
- Ашда – бёрю, ишде – ёлю.
- Байлыкъ болгъан джерде, тынчлыкъ джокъду.
- Аш хазыр болса, иш харам болур.
- Къартха ушагъан джаш – акъыллы, джашха ушагъан къарт – тели.
- Акъыл неден да кючлюдю.
- Билимден уллу байлыкъ джокъду.
- Юйюнг бла джау болгъандан эсе, элинг бла джау бол.
- Алтыннга тот къонмаз.
- Ашхылыкъ джерде джатмайды, аманлыкъ суугъа батмайды.
- Биреуню къыйынлыгъы бла кесинге джол ишлеме.
- Къарны аманнга къазан такъдырма, къолу аманнга от джакъдырма.
- Тин – байлыгъынг, терен саулугъунг.
- Тамчы таш тешер.
- Мураты болгъанны джюрек тебюую башхады.
- Къыз тиширыу кеси юйюнде да къонакъды.
- Рысхы – насыбха къор.
- Чабакъ башындан чирийди.
- Ариу сёз – джаннга азыкъ, аман сёз – башха къазыкъ.
- Иги джашны ышаны – аз сёлешиб, кёб тынгылар.
- Ашхы сёз таш тешер.
- Ашда уялгъан – мухар, ишде уялгъан – хомух.
- Къонакъны къачан кетерин сорма, къачан келлигин сор.
- Ач къарынны, токъ билмез
- Нафысынгы айтханын этме, намысынгы айтханын эт.
- Юйюнгден чыкъдынг – кюнюнгден чыкъдынг.
- Къыйынлы джети элни къайгъысын этер.
- Ётюрюкню къуйругъу – бир тутум.
- Эри аманны, къатыны – аман.
- Къазанчы аман болса, къазаны къайнамаз.
- Иши джокъну, сыйы джокъ.
- Къызны минг тилер, бир алыр.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72