- Кирсизни – саны таза, халалны – къаны таза.
- Айтхан – тынч, этген – къыйын.
- Аман къатын алгъан, арыр, иги къатын алгъан джарыр.
- Агъач – джерни чырайы, кийим – эрни чырайы.
- Тил джюрекге джол ишлейди.
- Ханнга да келеди хариблик.
- Эм уллу байлыкъ – джан саулукъ.
- Таш ата билмеген, башына урур.
- Айран ичген – къутулду, джугъусун джалагъан – тутулду.
- Уллу айтханны этмеген – уллаймаз.
- Джырчы ёлсе, джыры къалыр.
- Кёзюнде тереги болгъан, чёбю болгъаннга кюле эди.
- Адамны аманы адамны бети бла ойнар.
- Кийиминг бла танылма, адамлыкъ бла таныл.
- Билмезни кёзю кёрмез, этмезни къулагъы эшитмез.
- Къазанчы аман болса, къазаны къайнамаз.
- Ёлген эшек бёрюден къоркъмайды.
- Къоркъакъны кёзю экили кёрюр.
- Тилчи тилден къаныкъмаз.
- Иги сеники эсе да, сюйген кесимикин этеме.
- Тили узунну, намысы – къысха.
- Ёгюзню мюйюзюнден тутадыла, адамны сёзюнден тутадыла.
- Ишлегенден, къарагъан уста.
- Бир абыннган – минг сюрюнюр.
- Башланнган иш битер, къымылдагъан тиш тюшер.
- Айныгъанлы алты кюн, тогъайгъанлы тогъуз кюн.
- Тойчу джашха къарама, къойчу джашха къара.
- Эки къатын алгъанны къулагъы тынгнгаймаз.
- Башсыз урчукъ тюзюне айланмаз.
- Аман адамны тепсинге олтуртсанг, къызынгы тилер.
- Бойнуму джети джерден кессенг да, мен ол ишни этеллик тюлме.
- Бёрю да ач къалмасын, эчки да ашалмасын.
- Намыс сатылыб алынмайды.
- Аш иеси бла татлыды.
- Аджаллыгъа окъсуз шкок атылыр.
- Атадан ёксюз – бир ёксюз, анадан ёксюз – эки ёксюз.
- Джетген къыз джерли эшекни танымаз.
- Ёпкелегенни ашы татлы болады.
- Берекет берсин деген джерде, берекет болур.
- Башда акъыл болмаса, эки аякъгъа кюч джетер.
- Таукел тауну аудурур.
- Сёз сёзню айтдырыр.
- Сабыр джетер муратха, сабырсыз къалыр уятха.
- Эллинг бла джау болсанг да, юйюнг бла джау болма.
- Окъугъанны бети джарыкъ.
- Алма терегинден кери кетмез.
- Азыкълы ат арымаз, къатыны аман джарымаз.
- Экиндини кеч къылсанг, чабыб джетер ашхам.
- Джашны джигитлиги сорулур, къызны джигерлиги сорулур.
- Къозулугъунда тоймагъан, къойлугъунда тоймаз.
Профиль
|
|
|
|||