- Джарлы эскисин джамаса, къууаныр.
- Атадан ёксюз – бир ёксюз, анадан ёксюз – эки ёксюз.
- Тенгинг джокъ эсе – изле, бар эсе – сакъла!
- Джаралыны джастыгъында сау ёлюр.
- Чоюнну башы ачыкъ болса, итге уят керекди.
- Аман адам этегингден тутса, кес да къач.
- Уллу сёзде уят джокъ.
- Къарны аманнга къазан такъдырма, къолу аманнга от джакъдырма.
- Къазанны башы ачыкъ болса, итге уят керекди.
- Бек анасы джыламаз.
- Ёлген эшек бёрюден къоркъмайды.
- Къая джолда джортма, ачыкъ сёзден къоркъма.
- Тюзлюк тас болмайды.
- Кюлме джашха – келир башха.
- Аз сёлеш, кёб ишле.
- Зар адамны насыбы болмаз.
- Окъугъан озар, окъумагъан тозар.
- Къоркъакъны кёзю экили кёрюр.
- Орну джокъну – сыйы джокъ.
- Терслик кетер, тюзлюк джетер.
- Кенгеш болса, уруш болмаз.
- Эл ауузу – элек, анга ийнаннган – халек.
- Адам туугъан джеринде, ит тойгъан джеринде.
- Ана къолу ачытмаз.
- Аман къатын сабий табса, бий болур…
- Окъуусуз билим – джокъ, билимсиз кюнюнг – джокъ.
- Соргъан айыб тюлдю, билмеген айыбды.
- Чыкълы кюнде чыкъмагъан, чыкъса къуру кирмеген.
- Башынга джетмегенни сорма.
- Кёб къычыргъандан – къоркъма, тынч олтургъандан – къоркъ.
- Телиге от эт десенг, юйюнге от салыр.
- Аджал соруб келмез, келсе, къайтыб кетмез.
- Къыз тиширыу кеси юйюнде да къонакъды.
- Аджаллыгъа окъсуз шкок атылыр.
- Ашлыкъ – бюртюкден, джюн – тюкден.
- Тура эдим джата, къайдан чыкъды хата?
- Тили узунну, намысы – къысха.
- Гугук кесини атын айтыб къычыргъанча, мен, мен деб нек тураса?
- Тынгылагъан тынгы бузар.
- Юй кюйдю да, кюйюз чыкъды, ортасындан тюйюш чыкъды.
- Тил – кесген бычакъ, сёз – атылгъан окъ.
- Къартны сыйын кёрмеген, къартлыгъында сыйлы болмаз.
- Бир абыннган – минг сюрюнюр.
- Джолда аягъынга сакъ бол, ушакъда тилинге сакъ бол.
- Эр сокъур болсун, къатын тилсиз болсун.
- Ёзденликни кёбю ётюрюк.
- Аякъларынгы джууургъанынга кёре узат.
- Джырчы ёлсе, джыры къалыр.
- Джырына кёре эжиую.
- Къызгъанчдан ычхыныр, мухардан ычхынмаз.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72