- Къалгъан ишге къар джауар.
- Илму – джашауну джолу.
- Байлыкъ келсе, акъыл кетер.
- Уллу сёлешме да, уллу къаб.
- Айтхан сёзюне табылгъан.
- Джети тилни билген джети кишиди.
- Кюл тюбюндеги от кёрюнмейди.
- Соргъан айыб тюлдю, билмеген айыбды.
- Атынг аманнга чыкъгъандан эсе, джанынг тамагъынгдан чыкъсын.
- Билим насыб берир, билим джолну керир.
- От кюйдюрген, сау болса да, тот кюйдюрген, сау болмаз.
- Сабий кёргенин унутмаз.
- Ач келгенни – тойдур, кеч келгенни – къондур.
- Биреуге кёлтюрген таягъынг, кесинги башынга урур.
- Къартны бурнун сюрт да, оноугъа тут.
- Адебни адебсизден юрен.
- Кёкдеги болмаса, джердегин кёрмейди.
- Къонакъ аман болса, къонакъбай джунчур
- Аджаллыгъа окъсуз шкок атылыр.
- Аш кетер да бет къалыр.
- Ариу джол аджал келтирмез.
- Аз сёлеш, кёб ишле.
- Эски джаугъа ышанма.
- Ач, тоймам, дейди, тойгъан, ач болмам, дейди.
- Ётюрюк хапар аякъ тюбю бла джюрюйдю.
- Ачлыкъда тары гырджын халыуадан татлы.
- Сютню башын джалагъан къутулур, тюбюн ичген тутулур.
- Ойнай-ойнай кёз чыгъар.
- Шекер бла туз – бир болмаз, ушамагъан – юй болмаз.
- Билим къая тешер.
- Гитче джилтин уллу элни джандырыр.
- Эм уллу байлыкъ – джан саулукъ.
- Уллу сёзде уят джокъ.
- Джашлыкъ этмеген, башлыкъ этмез.
- Къобан да къуру да къобханлай турмайды, адам да къуру да патчахлай турмайды.
- Кесине гебен этелмеген, биреуге черен эте эди.
- Тил джюрекге джол ишлейди.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Билим ат болуб да чабар, къуш болуб да учар.
- Кесинг сынамагъан затны, адамгъа буюрма.
- Бал – татлы, балдан да бала – татлы.
- Ишлегенде эринме, ишде чолакъ кёрюнме.
- Атлыны ашхысы, ат тизгининден билинир
- Адебсиз адам – джюгенсиз ат.
- Кёпюр салгъан кеси ётер, уру къазгъан кеси кетер.
- Туз, гырджын аша, тюзлюк бла джаша.
- «Ёгюз, джаргъа джууукъ барма, меннге джюк боллукъса», - дегенди эшек.
- Эки къатын алгъанны къулагъы тынгнгаймаз.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Дуния аламаты сен эсенг да, игиме деб айтма.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72