- Джети тилни билген джети кишиди.
- Чомартха хар кюн да байрамды.
- Акъылсызны джууукъгъа алма, акъыллыны кенгнге салма.
- Тешигини къатында, чычхан да батыр болур.
- Кёбге таш атма.
- Билмейме деген – бир сёз
- Айыбны суу бла джууалмазса.
- Нарт сёз – тилни бети.
- Къазанны башы ачыкъ болса, итге уят керекди.
- Айраннга суу къош, телиге джол бош.
- Уясында не кёрсе, учханында аны этер.
- Къызгъанчдан ычхыныр, мухардан ычхынмаз.
- Ишин билген, аны сыйын чыгъарады.
- Гитче джилтин уллу элни джандырыр.
- Агъач – джерни чырайы, кийим – эрни чырайы.
- Тыш элде солтан болгъандан эсе, кесинги элде олтан болгъан игиди!
- Аууз сакълагъан – джан сакълар.
- Шапа кёб болса, аш татымсыз болур.
- Джашынгы кесинг юретмесенг, джашау юретир.
- Чомарт бергенин айтмаз.
- Чакъырылмай келген къонакъ сыйланмай кетер.
- Ёлмесенг да, къарт дамы болмазса?
- Аманны тукъумуна къарама, игини тукъумун сорма.
- Ашлыкъ – бюртюкден, джюн – тюкден.
- Чомартха Тейри да борчлуду.
- Таукел адам тау тешер.
- Сёз къанатсыз учар.
- Ёлген ийнек сютлю болур.
- Эринчекге кюн узун.
- Джогъун бар этген, барын бал этген.
- Дуния аламаты сен эсенг да, игиме деб айтма.
- Ат да турмайды бир териде.
- Кёпюр салгъан кеси ётер, уру къазгъан кеси кетер.
- Ичимден чыкъды хата, къайры барайым сата?
- Агъач халкъгъа алтынды, иссиликге салкъынды.
- Эркишини аманы тиширыуну джылатыр.
- Билими азны – ауузунда кирит.
- Юре билмеген ит, къонакъ келтирир.
- Гырджын – тепсини тамадасы.
- Тёрде – темир таякълы, къаяда – чыпчыкъ аякълы.
- Кёбден умут этиб, аздан къуру къалма.
- Аз айтсам, кёб ангылагъыз.
- Элиб деген, элге болушур.
- Харам къарнашдан, халал тенг ашхы.
- Юйюнгден чыкъдынг – кюнюнгден чыкъдынг.
- Билим насыб берир, билим джолну керир.
- Джолунга кёре – джюрюшюнг, джагъанга кёре – юлюшюнг.
- Чыкълы кюнде чыкъмагъан, чыкъса къуру кирмеген.
- Юреннген ауруу къалмаз.
- Этни бети бла шорпасы.
Профиль
|
|
|||