- Джыгъылгъанны сырты джерден тоймаз.
- Ауурну тюбю бла, дженгилни башы бла джюрюген.
- Эл элде бирер малынг болгъандан эсе, бирер тенгинг болсун.
- Тюкюрюк баш джармаз, налат кёз чыгъармаз!
- Иги – алгъыш этер, аман – къаргъыш этер.
- Алма терегинден кери кетмез.
- Бети бедерден, намыс сакълама.
- Нёгер болсанг, тенг бол, тенг болмасанг, кенг бол.
- Къонакъ кёб келюучю юйню, къазаны отдан тюшмез.
- Чабакъсыз кёлге къармакъ салгъанлыкъгъа, чабакъ тутмазса.
- Эл тойса, тоймагъан, эл къойса, къоймагъан.
- Дуния малгъа сатылма, кесингден телиге къатылма.
- Сютден ауузу кюйген, суугъа юфгюре эди.
- Эркишиге тары кебек танг кёрюнюр.
- Ёгюзню мюйюзюнден тутадыла, адамны сёзюнден тутадыла.
- Ойнаб айтсанг да, эслеб айт.
- Кюн кёрмеген, кюн кёрсе, кюндюз чыракъ джандырыр.
- Иги болса, тамадама – махтау, аман болса, меннге – айыб.
- Кюл тюбюндеги от кёрюнмейди.
- Келлик заман – къартлыкъ келтирир, кетген заман – джашлыкъ ёлтюрюр.
- Иги джашны ышаны – аз сёлешиб, кёб тынгылар.
- Иги бла джюрюсенг, джетерсе муратынга, аман бла джюрюсенг, къалырса уятха.
- Эринчекни эр алмаз, эр алса да, кёл салмаз, кёл салса да, кёб бармаз!
- Джыланны къуйругъундан басарынг келсе, аны башы болгъанын унутма.
- Къарыусузгъа кюлме, онгсузгъа тийме.
- Ачыу алгъа келсе, акъыл артха къалады.
- Биреуню эскиси биреуге джангы болмайды.
- Тойгъанлыкъ къойгъа джарашады.
- Кёрмегеннге кебек – танг, битмегеннге сакъал – танг.
- Ёлюк кебинсиз къалмаз.
- Оюмсуз атлагъан, аджалсыз ёлюр.
- Ашхы болсанг, атынг чыгъар, аман болсанг, джанынг чыгъар.
- Сормай – алма, чакъырылмай – барма.
- Орундукъ тюбюнде атылсам да, орта джиликме, де да айлан.
- Билим – акъылны чырагъы.
- Къарнынг тойгъунчу аша да, белинг талгъынчы ишле.
- Сабийликде юретмесенг, уллу болса – тюзелмез.
- Ётюрюкчюню шагъаты – къатында.
- Ауузу бла къуш тута айланады.
- Керти сёзге тёре джокъ.
- Къыз чыгъаргъан – къызыл къымжа.
- Къонагъынгы артмагъын алма да, алгъышын ал.
- Окъуусуз билим – джокъ, билимсиз кюнюнг – джокъ.
- Эр абынмай, эл танымаз.
- Къарт бла баш аша, джаш бла аякъ аша.
- Къуллукъчума, деб махтанма, къуллукъ – хаух джамчыды!
- Айтылгъан буйрукъ, сёгюлмез
- Бозанг болмагъан джерге, къалагъынгы сукъма.
- Таугъа чыгъаллыкъ эсенг, тюзде къалма.
- Мухардан ач ычхынмаз.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72