- Этни бети бла шорпасы.
- Чакъырылмагъан къонакъ тёрге атламаз.
- Ёлюк кебинсиз къалмаз.
- Битмегеннге сакъал – танг.
- Ариу сёз джыланны орнундан чыгъарыр.
- Ёлген ийнек сютлю болур.
- Къошда джокъгъа – юлюш джокъ.
- Къайгъы тюбю – тенгиз.
- Чакъырылмагъан къонакъ – орунсуз.
- Ашын ашагъанынгы, башын да сыйла.
- Бети бедерден, намыс сакълама.
- Джан саулукъ бермей, сан саулукъ бермезсе.
- Билеги кючлю, бирни джыгъар, билими кючлю, мингни джыгъар.
- Къонагъы джокъну – шоху джокъ.
- Баргъанынга кёре болур келгенинг.
- Тынгылагъан тынгы бузар.
- Аз айтсам, кёб ангылагъыз.
- «Ма», - дегенни билмесенг, «бер», - дегенни билмезсе.
- Джогъун бар этген, барын бал этген.
- Аш иеси бла татлыды.
- Къарнынг бла ёч алма.
- Билмейме деген – бир сёз
- Хатерли къул болур.
- Сормай – алма, чакъырылмай – барма.
- Адеб этмеген, адеб кёрмез.
- Сёлеш деб шай берген, тохта деб, сом берген.
- Мухар, кеси тойса да, кёзю тоймаз.
- Ауругъанны сау билмез, ач къарынны токъ билмез.
- Акъыллы башны – тили къысха.
- Бал чибинни ургъаны – ачы, балы – татлы.
- Эки ойлашыб, бир сёлешген.
- Юй кюйдю да, кюйюз чыкъды, ортасындан тюйюш чыкъды.
- Азыкъ аз болса, эртде орун сал.
- Кёзюнде тереги болгъан, чёбю болгъаннга кюле эди.
- Тёзгеннге, джабылгъан эшик ачылыр.
- Аз сёлешген, къайгъысыз турур.
- Тёзген – тёш ашар!
- Акъыл къартда, джашда тюйюлдю – башдады.
- Къаллай салам берсенг, аллай джууаб алырса.
- Джарлыны тону джаз битер.
- Чомарт бергенин айтмаз.
- Арбаз сайлама да, хоншу сайла.
- Акъыллы эркиши атын махтар, акъылсыз эркиши къатынын махтар.
- Ашатыргъа иш – ашхы, ишлетирге аш – ашхы.
- Ётген ёмюр – акъгъан суу.
- Къазанда болса, чолпугъа чыгъар.
- Атлыны кёрсе, джаяуну буту талыр.
- Сыфатында болмагъаны, суратында болмаз.
- Таш бла ургъанны, аш бла ур.
- Сабыр джетер муратха, сабырсыз къалыр уятха.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72