- Мадар болса, къадар болур.
- Гугук кесини атын айтыб къычыргъанча, мен, мен деб нек тураса?
- Къатын байлыкъны сюер, эр саулукъну сюер.
- Сютден ауузу кюйген, суугъа юфгюре эди.
- Окъумагъан сокъурду, сокъур ташха абыныр!
- Хатерли къул болур.
- Джол бла сёзню къыйыры джокъ.
- Аманны тукъумуна къарама, игини тукъумун сорма.
- Танг атмайма десе да, кюн къоярыкъ тюйюлдю.
- Айтханы чапыракъдан ётмеген.
- Эки ойлашыб, бир сёлешген.
- Иши джокъну, сыйы джокъ.
- Бал чибинни ургъаны – ачы, балы – татлы.
- Сёз къанатсыз учар.
- Тил джюрекге джол ишлейди.
- Артына баргъанны, къатына барма.
- Чабакъ башындан чирийди.
- Бозанг болмагъан джерге, къалагъынгы сукъма.
- Сагъышы джокъ – джукъучу, акъылы джокъ – къаугъачы.
- Ата Джуртча джер болмаз, туугъан элча эл болмаз.
- Суугъа – таянма, джаугъа – ийнанма.
- Ауузу аманнга «иги», деме.
- Борчунг бар эсе, хурджунунга ойлаб узал.
- От кюйдюрген, сау болса да, тот кюйдюрген, сау болмаз.
- Айранны сюйген, ийнек тутар.
- Билими азны – ауузунда кирит.
- Магъанасыз сёз – тауушсуз сыбызгъы.
- Агъач – джерни чырайы, кийим – эрни чырайы.
- Иги джашны ышаны – аз сёлешиб, кёб тынгылар.
- Тыш элде солтан болгъандан эсе, кесинги элде олтан болгъан игиди!
- Гыдай эчки суугъа къараб, мюйюзле кёрмесе, джашма алкъын, дегенди.
- Ашхы адам – халкъ байлыгъы, ашхы джер – джашау байлыгъы.
- Ачлыкъда тары гырджын халыуадан татлы.
- Акъыл сабырлыкъ берир.
- Адамны бетине къарама, адетине къара.
- Окъдан джара эртде-кеч болса да бителир, сёз джара, ёмюрге къалыр.
- Ишленмеген джаш – джюгенсиз ат, ишленмеген къыз – тузсуз хант.
- Акъыллы эркиши атын махтар, акъылсыз эркиши къатынын махтар.
- Дуния мал дунияда къалады.
- Ёлген аслан – сау чычхан.
- Джыланны къуйругъундан басарынг келсе, аны башы болгъанын унутма.
- Ачыу алгъа келсе, акъыл артха къалады.
- Арба аугъандан сора, джол кёргюзтюучю кёб болур.
- Къар – келтирди, суу – элтди.
- Баргъанынга кёре болур келгенинг.
- Кеси юйюмде мен да ханма.
- Сагъыш – къартлыкъгъа сюйюмчю.
- Келгинчи, къонакъ уялыр, келгенден сора, къонакъбай уялыр.
- Агъач халкъгъа алтынды, иссиликге салкъынды.
- Ач отунчуну ачыуу – бурнунда.
Профиль
|
||||