- Сабий болмагъан джерде, мёлек болмаз.
- Ишленмеген джаш – джюгенсиз ат, ишленмеген къыз – тузсуз хант.
- Аман къатын сабий табса, бий болур…
- Кюлме джашха – келир башха.
- Бёрю да ач къалмасын, эчки да ашалмасын.
- Эл элде бирер малынг болгъандан эсе, бирер тенгинг болсун.
- Махтаннган къыз, тойда джукълар.
- Агъач халкъгъа алтынды, иссиликге салкъынды.
- Халкъны джырын джырласанг, халкъ санга эжиу этер.
- Иги сёз – джаннга азыкъ, аман сёз башха – къазыкъ.
- Башда акъыл болмаса, эки аякъгъа кюч джетер.
- Юй кюйдю да, кюйюз чыкъды, ортасындан тюйюш чыкъды.
- Тилсиз миллет джокъ болур.
- Адамгъа аман кюн соруб келмейди.
- Къар – келтирди, суу – элтди.
- Хатерли къул болур.
- Кийиминг бла танылма, адамлыкъ бла таныл.
- Ариу сёз джыланны орнундан чыгъарыр.
- Ашына кёре табагъы, балына кёре къалагъы.
- Тели турса – той бузар.
- Кёз – сюйген джерде, къол – ауругъан джерде.
- Тойгъан джерге джети къайт.
- Къуру гыбыт бек дыгъырдар.
- Къарыусузгъа кюлме, онгсузгъа тийме.
- Кюн – узун, ёмюр – къысха.
- Тенгинг джокъ эсе – изле, бар эсе – сакъла!
- Къоркъакъны кёзю экили кёрюр.
- Ургъан суудан башынгы сакъла.
- Хунаны тюбюн къазсанг, юсюнге ауар.
- Ашда уялгъан – мухар, ишде уялгъан – хомух.
- Джыйырма къойну юч джыйырма эбзе кюте эди.
- Ач да бол, токъ да бол – намысынга бек бол.
- Къобан да къуру да къобханлай турмайды, адам да къуру да патчахлай турмайды.
- Джаным-тиним – окъуу, билим.
- Джукъу тёшек сайламайды.
- Джауумдан сора, кюн кюйдюрюр, ётюрюкден сора, айыб кюйдюрюр.
- Джаралыны джастыгъында сау ёлюр.
- Къая джолда джортма, ачыкъ сёзден къоркъма.
- Бозанг болмагъан джерге, къалагъынгы сукъма.
- Уллу сёлешме да, уллу къаб.
- Бичгенде ашыкъма, тикгенде ашыкъ.
- Чакъырылмай келген къонакъ сыйланмай кетер.
- Таякъ этден ётер, тил сюекден ётер.
- Айран ичген – къутулду, джугъусун джалагъан – тутулду.
- Ариу – кёзге, акъыл – джюрекге.
- Иги джашны ышаны – аз сёлешиб, кёб тынгылар.
- Тай асырагъан, атха минер.
- Кёб ант этген, кёб ётюрюк айтыр.
- Кёлсюзден сёзсюз тууар.
- Къарын къуру болса, джюрек уру болур.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72