- Ёпкелегенни ашы татлы болады.
- Къая джолда джортма, ачыкъ сёзден къоркъма.
- Чомарт бергенин айтмаз.
- Эски джаугъа ышанма.
- Бир абыннган – минг сюрюнюр.
- Туз, гырджын аша, тюзлюк бла джаша.
- Садакъачыны джаны – къапчыгъында.
- Байлыкъ тауусулур, билим тауусулмаз.
- Эл элде бирер малынг болгъандан эсе, бирер тенгинг болсун.
- Суугъа – таянма, джаугъа – ийнанма.
- Адеби болмагъан къыз – тузсуз хант.
- Ишленмеген джаш – джюгенсиз ат, ишленмеген къыз – тузсуз хант.
- Эм уллу байлыкъ – джан саулукъ.
- Биреу къой излей, биреу той излей.
- Мал тутхан – май джалар.
- Эл ауузу – элек, анга ийнаннган – халек.
- Ханнга да келеди хариблик.
- Эл тойса, тоймагъан, эл къойса, къоймагъан.
- Битмегеннге сакъал – танг.
- Душманны тышы – акъ, ичи – къара.
- Айраннга суу къош, телиге джол бош.
- Кёб къычыргъандан – къоркъма, тынч олтургъандан – къоркъ.
- Иги сеники эсе да, сюйген кесимикин этеме.
- Ишни ахырын ойламай, аллын башлама.
- Сакъалы текени да бар, мыйыгъы киштикни да бар.
- Ашарыкъда сайлагъаннга – чий гырджын.
- Уллу къашыкъ эрин джыртар.
- Айранны сюйген, ийнек тутар.
- Къонакъ хазыр болгъанлыкъгъа, къонакъбай хазыр тюлдю.
- Башы ишлегенни, ауузу да ишлер.
- Эрине къаргъыш этген къатын, эрнин къабар.
- Билим ат болуб да чабар, къуш болуб да учар.
- Адеб джокъда, намыс джокъ.
- Булут кёкге джарашыу, уят бетге джарашыу.
- Нарт сёз – тилни бети.
- Тюзню ётмеги тюзде къалса да, тас болмаз.
- Акъыл сабырлыкъ берир.
- Юйлю уругъа ит чабмаз.
- Аманны эки битли тону болур, бирин сеннге кийдирир, бирин кеси киер.
- Аууздан келген, къолдан келсе, ким да патчах болур эди.
- Кёл – къызбай, къол – батыр.
- Сабий болмагъан джерде, мёлек болмаз.
- Ёгюзню мюйюзюнден тутадыла, адамны сёзюнден тутадыла.
- Джарлы тюеге минсе да, ит къабар.
- Аманнга игилик этсенг, юйюнге сау бармазса.
- Джаш болсун, къыз болсун, акъылы, саны тюз болсун.
- Керилген да, ургъан кибикди.
- Мен да «сен», дейме, сен да «кесим», дейсе.
- Ата Джуртча джер болмаз, туугъан элча эл болмаз.
- Юреннген ауруу къалмаз.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72