- Джумушакъ сёз къаты таякъны сындырыр.
- Аманны тукъумуна къарама, игини тукъумун сорма.
- Таукел къуру къалмаз.
- Айтылгъан буйрукъ, сёгюлмез
- Акъыллы – эл иеси, тели – эл баласы.
- Къыз тиширыу кеси юйюнде да къонакъды.
- Ханы къызы буюгъа-буюгъа киштик болду.
- Ана – юйню кюн джарыгъы.
- Аякъларынгы джууургъанынга кёре узат.
- Орну джокъну – сыйы джокъ.
- Къарнынг ауруса, ауузунгу тый
- Кёбге таш атма.
- Ачны эсинде – аш.
- Ёксюзню къалачы уллу кёрюнюр.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Бойнуму джети джерден кессенг да, мен ол ишни этеллик тюлме.
- Уллу сёзде уят джокъ.
- Къарнынг бла ёч алма.
- Накъырданы арты керти болур.
- Бюгюн дуния кибик, тамбла ахыратды.
- Эл тойса, тоймагъан, эл къойса, къоймагъан.
- Таш бла ургъанны, аш бла ур.
- Джеринден айырылгъан – джети джылар, джуртундан айырылгъан – ёлгюнчю джылар.
- Хаухну атма, ёнгкючню сатма.
- Джиби бир къат джетмей эди да, эки къат тарта эди.
- Тиширыусуз юй – отсуз от джагъа.
- Адамны адамлыгъы къыйынлыкъда айгъакъланады.
- Тамбла алтындан бюгюн багъыр ашхы.
- Сакъалы текени да бар, мыйыгъы киштикни да бар.
- Эринчекге кюн узун.
- Ашатыргъа иш – ашхы, ишлетирге аш – ашхы.
- Къарт болгъан джерде, берекет болур, сабий болгъан джерде, оюн болур.
- Мураты болгъанны джюрек тебюую башхады.
- Къозулугъунда тоймагъан, къойлугъунда тоймаз.
- Минг тенг да азды, бир джау да кёбдю.
- Юре билмеген ит, къонакъ келтирир.
- Билмейме деген – бир сёз
- Аз сёлешген, къайгъысыз турур.
- Ичимден чыкъды хата, къайры барайым сата?
- Юйюнг бла джау болгъандан эсе, элинг бла джау бол.
- Адеб базарда сатылмаз.
- Къарнынг къанлынга кийирир.
- Эки итни арасына сюек атма, эки адамны арасында сёз чыгъарма.
- Тюз сёз баргъан сууну тыяр.
- Байлыкъ адамны сокъур этер.
- Ашыкъгъан cуу, тенгизге джетмез.
- Кюн кёрмеген, кюн кёрсе, кюндюз чыракъ джандырыр.
- Миллетни бойну – базыкъ, аны бла кюрешген – джазыкъ.
- Сормай – алма, чакъырылмай – барма.
- Кёбню кёрген – кёб билир.
Профиль
|
|
|||