- Элге къуллукъ этмеген, элге ие болмаз.
- Уясында не кёрсе, учханында аны этер.
- Аманнга да, игиге да оноусуз къатышма.
- Джаным-тиним – окъуу, билим.
- Келгинчи, къонакъ уялыр, келгенден сора, къонакъбай уялыр.
- Ач къарным, тынч къулагъым.
- Таякъ этден ётер, тил сюекден ётер.
- Къайгъы тюбю – тенгиз.
- Борчунг бар эсе, хурджунунга ойлаб узал.
- Адеби болмагъан къыз – тузсуз хант.
- Насыблы элин сюер, насыбсыз кесин сюер.
- Иги бла джюрюсенг, джетерсе муратынга, аман бла джюрюсенг, къалырса уятха.
- Намыс болмагъан джерде, насыб болмаз.
- Аллахдан тилесенг, кёб тиле.
- Биреуню тёрюнден, кесинги эшик артынг игиди.
- Ёлген ийнек сютлю болур.
- Къартны бурнун сюрт да, оноугъа тут.
- Келинни – келгинчи, бёркню кийгинчи кёр.
- Юй кюйдю да, кюйюз чыкъды, ортасындан тюйюш чыкъды.
- Акъыллы – эл иеси, тели – эл баласы.
- Иши джокъну, сыйы джокъ.
- Кюл тюбюндеги от кёрюнмейди.
- Ишлерге уял да, ашаргъа табма.
- Аман киши кеси юйюнде – къонакъ.
- Нёгерсизни джолу узун.
- Адам боллукъ, атламындан белгили болур.
- Таугъа чыгъаллыкъ эсенг, тюзде къалма.
- Кёлю джокъну – джолу джокъ.
- Иги – алгъыш этер, аман – къаргъыш этер.
- Айтылгъан буйрукъ, сёгюлмез
- Аманнга алтын чыдамаз.
- Кёб джат да, бек чаб.
- Эркиши – от, тиширыу – суу.
- Шапа кёб болса, аш татымсыз болур.
- Ашхылыкъ джерде джатмайды, аманлыкъ суугъа батмайды.
- Ёзденликни кёбю ётюрюк.
- Игини сыйлагъан адетди.
- Билген билмегенни юретген адетди.
- Билгенни къолу къарны джандырыр.
- Атлыны кёрсе, джаяуну буту талыр.
- Рысхы джалгъанды: келген да этер, кетген да этер.
- Бир абыннган – минг сюрюнюр.
- Къонакъ болсанг, ийнакъ бол.
- Къоркъакъны кёзю экили кёрюр.
- Тил – кесген бычакъ, сёз – атылгъан окъ.
- Этек чакъмакълары баш джаргъан, сёлешген сёзлери таш джаргъан.
- Джыланны къуйругъундан басарынг келсе, аны башы болгъанын унутма.
- Ётюрюкню къуйругъу – бир тутум.
- Бети – къучакълар, джюреги – бычакълар.
- Бетинги сатма, малынгы сат.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72