- Ханнга да келеди хариблик.
- Мураты болгъанны джюрек тебюую башхады.
- Ариуну – ауруу кёб.
- Джюрекден джюрекге джол барды.
- Аууздан келген, къолдан келсе, ким да патчах болур эди.
- Адеб базарда сатылмаз.
- Ушамагъан – джукъмаз.
- Кёзден кетген, кёлден да кетеди.
- Мухардан ач ычхынмаз.
- От кюйдюрген, сау болса да, тот кюйдюрген, сау болмаз.
- Чакъырылмагъан къонакъ къачан кетерин сормаз.
- Къонагъынгы артмагъын алма да, алгъышын ал.
- Экиндини кеч къылсанг, чабыб джетер ашхам.
- Окъумагъан сокъурду, сокъур ташха абыныр!
- Ауузу аманнга «иги», деме.
- Иги сёз – джаннга азыкъ, аман сёз башха – къазыкъ.
- Ашда – бёрю, ишде – ёлю.
- Тыш элде солтан болгъандан эсе, кесинги элде олтан болгъан игиди!
- Гитче джилтин уллу элни джандырыр.
- Баргъанынга кёре болур келгенинг.
- Чалманны аллы къалай башланса, арты да алай барады.
- Элни кючю – эмеген.
- Рысхы – сют юсюнде кёмюк кибикди.
- Бойнуму джети джерден кессенг да, мен ол ишни этеллик тюлме.
- Ашын ашагъанынгы, башын да сыйла.
- Адеби болмагъан къыз – тузсуз хант.
- Мени джылытмагъан кюн, меннге тиймесин!
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Халкъны джырын джырласанг, халкъ санга эжиу этер.
- Игилик игилик бла сингдирилиучю затды.
- Ашхы – джыяр, аман – джояр.
- Хатерли къул болур.
- Тели турса – той бузар.
- Чомарт къонакъ юй иесин сыйлар.
- Кёкдеги болмаса, джердегин кёрмейди.
- Кёб ант этген, кёб ётюрюк айтыр.
- Ашхы сёз таш тешер.
- Алма терегинден кери кетмез.
- Чакъырылмагъан къонакъ – орунсуз.
- Къызны минг тилер, бир алыр.
- Джыланны къуйругъундан басарынг келсе, аны башы болгъанын унутма.
- Ишленмеклик адамлыкъды.
- Арба аугъандан сора, джол кёргюзтюучю кёб болур.
- Ашда уялгъан – мухар, ишде уялгъан – хомух.
- Ёпкелегенни ашы татлы болады.
- Кёлсюзден сёзсюз тууар.
- Эки итни арасына сюек атма, эки адамны арасында сёз чыгъарма.
- Уруну арты – къуру.
- Хоншуну тауугъу къаз кёрюнюр, келини къыз кёрюнюр.
- Ёзденликни джайгъан – джокълукъ.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72