- Экеулен сёлеше тура эселе, орталарына барыб кирме.
- Билими азны – ауузунда кирит.
- Эм ашхы къайын ана мамукъ бла башынгы тешер.
- Ишленмеклик адамлыкъды.
- Бал чибинни ургъаны – ачы, балы – татлы.
- Баланы адам этген анады.
- Насыблы элин сюер, насыбсыз кесин сюер.
- Азыкълы ат арымаз, къатыны аман джарымаз.
- Къыз келсе, джумуш эте келеди, къатын келсе, ушакъ эте келеди.
- Шайтан алдады, тюзлюк къаргъады.
- Баргъанынга кёре болур келгенинг.
- Чомарт бергенин айтмаз.
- Джангызны оту джарыкъ джанмаз!
- Сакъ юйюне сау барыр.
- Зар адамны насыбы болмаз.
- Миллетни бойну – базыкъ, аны бла кюрешген – джазыкъ.
- Къарнынг ауруса, ауузунгу тый
- Къарны аманнга къазан такъдырма, къолу аманнга от джакъдырма.
- Тойгъандан сора, ашны сёкме.
- Суугъа – таянма, джаугъа – ийнанма.
- Мадар болса, къадар болур.
- Башсыз урчукъ тюзюне айланмаз.
- Абынмазлыкъ аякъ джокъ, джангылмазлыкъ джаякъ джокъ.
- Акъыл сабырлыкъ берир.
- Къар – келтирди, суу – элтди.
- Ёлюк кебинсиз къалмаз.
- Билмегенинги, билгеннге сор.
- Ким бла джюрюсенг, аны кёзю бла кёрюнюрсе.
- Адам сёзюнден белгили.
- Ариу сёз – джаннга азыкъ, аман сёз – башха къазыкъ.
- Бичгенде ашыкъма, тикгенде ашыкъ.
- Рысхы – насыбха къор.
- Къуллукъчума, деб махтанма, къуллукъ – хаух джамчыды!
- Аякъларынгы джууургъанынга кёре узат.
- Баш болса, бёрк табылыр.
- Эки элинги тыйсанг, джети элде махталырса.
- Уллу сёлешме да, уллу къаб.
- Къарнынг бла ёч алма.
- Аман хансны – урлугъу кёб.
- Сагъышы джокъ – джукъучу, акъылы джокъ – къаугъачы.
- Ач бёрюге мекям джокъ.
- Бастасын ашагъан, хантусун да ичер.
- Ашхылыкъ джерде джатмайды, аманлыкъ суугъа батмайды.
- Къыйынлы джети элге оноу этер.
- Кёлсюзден сёзсюз тууар.
- Ёпкелегенни ашы татлы болады.
- Аз сёлешген, къайгъысыз турур.
- Къарыусузгъа кюлме, онгсузгъа тийме.
- Аман адам элни бир-бирине джау этер.
- Джюрекге ариу – кёзге да ариу.
Профиль
|
|
|
|||