- Мухарны эси – ашарыкъда.
- Халкъгъа джарагъан, джарлы къалмаз.
- Эр абынмай, эл танымаз.
- Башсыз урчукъ тюзюне айланмаз.
- Джуртун къоругъан озар.
- Этим кетсе да, сюегим къалыр.
- Бек ашыкъгъан меннге джетсин, дегенди аракъы.
- Аманнга алтын чыдамаз.
- Эшекге миннген – биринчи айыб, андан джыгъылгъан – экинчи айыб.
- Эте билген, этген этеди, эте билмеген, юретген этеди!
- Аллахдан тилесенг, кёб тиле.
- Тюзню ётмеги тюзде къалса да, тас болмаз.
- Биреуню эскиси биреуге джангы болмайды.
- Эл бла кёргенинг эрелей.
- Ач къалгъандан, кеч къалгъан къолай.
- Акъылсызны джууукъгъа алма, акъыллыны кенгнге салма.
- Къазанчы аман болса, къазаны къайнамаз.
- Алтыда кюлмеген, алтмышда кюлмез.
- Кечеси – аяз, кюню – къыш, джарлы къаргъагъа бир аш тюш!
- Кюлме джашха – келир башха.
- Дженгил джетерикме деб, узун джолну къоюб, къысхасын барма.
- Тёзгеннге, джабылгъан эшик ачылыр.
- Азыгъы аз, алгъа къабар, аты аман, алгъа чабар.
- Къонагъынгы артмагъын алма да, алгъышын ал.
- Къартха ушагъан джаш – акъыллы, джашха ушагъан къарт – тели.
- Киштикге къанат битсе, чыпчыкъ къалмаз эди.
- Таугъа чыгъаллыкъ эсенг, тюзде къалма.
- Аш берме да, къаш бер.
- Эрине къаргъыш этген къатын, эрнин къабар.
- Кёпюр салгъан кеси ётер, уру къазгъан кеси кетер.
- Артына баргъанны, къатына барма.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Ашха уста, юйюнде болсун
- Къатыны харакетли болса, эри къымсыз болур.
- Баланы адам этген анады.
- Къуллукъчума, деб махтанма, къуллукъ – хаух джамчыды!
- Тойгъанлыкъ къойгъа джарашады.
- Юйюнг бла джау болгъандан эсе, элинг бла джау бол.
- Кийиминг бла танылма, адамлыкъ бла таныл.
- Къобан да къуру да къобханлай турмайды, адам да къуру да патчахлай турмайды.
- Ёпкелегенни ашы татлы болады.
- Эртде тургъан бла эртде юйленнген сокъуранмаз.
- Айырылгъанланы айю ашар, бёлюннгенлени бёрю ашар.
- Билеги кючлю, бирни джыгъар, билими кючлю, мингни джыгъар.
- Тойну къарнашы – харс, джырны къарнашы – эжиу.
- Адамны адамлыгъы къыйынлыкъда айгъакъланады.
- Хатерли къул болур.
- Нарт сёз къарт болмаз.
- Ёлмесенг да, къарт дамы болмазса?
- Бермеген къол, алмайды.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72