- Къыз келсе, джумуш эте келеди, къатын келсе, ушакъ эте келеди.
- Джангыз терек къынгыр ёсер.
- Тил джюрекге джол ишлейди.
- Ачлыкъда тары гырджын халыуадан татлы.
- Тюкюрюк баш джармаз, налат кёз чыгъармаз!
- Аман адам этегингден тутса, кес да къач.
- Кюн кёрмеген, кюн кёрсе, кюндюз чыракъ джандырыр.
- Биреуге аманлыкъ этиб, кесинге игилик табмазса.
- Зар адамны насыбы болмаз.
- Эте билген, этген этеди, эте билмеген, юретген этеди!
- Джашны джигитлиги сорулур, къызны джигерлиги сорулур.
- Къаллай салам берсенг, аллай джууаб алырса.
- Тёзген – тёш ашар!
- Ишленмеклик адамлыкъды.
- Бал ашаргъа сюе эсенг, чибин ургъаннга тёз.
- Бозанг болмагъан джерге, къалагъынгы сукъма.
- Уясында не кёрсе, учханында аны этер.
- Сескекли кесин билдирир.
- Ачны эсинде – аш.
- Ётген ёмюр – акъгъан суу.
- Уллу атлама – абынырса, уллу къабма – къарылырса.
- Кийиминг бла танылма, адамлыкъ бла таныл.
- Байны къызы баймакъ болса да, юйде къалмаз!
- Келгинчи, къонакъ уялыр, келгенден сора, къонакъбай уялыр.
- Бир онгсуз адам адет чыгъарды, деб эштирик тюлсе.
- Ёпкелегенни ашы татлы болады.
- Джетген къыз джерли эшекни танымаз.
- Ётюрюк хапар аякъ тюбю бла джюрюйдю.
- Юй кюйдю да, кюйюз чыкъды, ортасындан тюйюш чыкъды.
- Айранны сюйген, ийнек тутар.
- Ариу сёзде ауруу джокъ.
- Юйюнг бла джау болгъандан эсе, элинг бла джау бол.
- Хунаны тюбюн къазсанг, юсюнге ауар.
- Экеу тутушса, биреу джыгъылыр.
- Иги болса, тамадама – махтау, аман болса, меннге – айыб.
- Чакъырылгъанны аты, чакъырылмагъанны багъасы болур.
- Акъыл аздырмаз, билим тоздурмаз.
- Къарт айтханны этмеген, къартаймаз.
- Тилде сюек болмаса да, сюек сындырыр.
- Кийимни бичсенг, кенг бич, тар этген къыйын тюлдю.
- Адеб этмеген, адеб кёрмез.
- Билим къая тешер.
- Ашхы – джыяр, аман – джояр.
- Ауругъаннга – кийик саулукъ, джетген къызгъа – чилле джаулукъ.
- Къонагъы джокъну – шоху джокъ.
- Адеб базарда сатылмаз.
- Адам къаллай бир ишленмесе, аллай бир кесин уллу кёреди.
- Байны оноуу, джарлыгъа джарамаз.
- Къызны минг тилер, бир алыр.
- Игини сыйлагъан адетди.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72