Эльбрусоид :: Форум

Акъыл къартда, джашда тюйюлдю – башдады.
Къонагъынгы артмагъын алма да, алгъышын ал.
Кёзню ачылгъаны – иги, ауузну джабылгъаны – иги.
Ашаса, ашамаса да, бёрюню ауузу – къан.
Хунаны тюбюн къазсанг, юсюнге ауар.
Сабий болмагъан джерде, мёлек болмаз.
Ач къарынны, токъ билмез
Джылар джаш, атасыны сакъалы бла ойнар.
Байма, деб да, къууанма, джарлыма, деб да, джылама.
Ёлмесенг да, къарт дамы болмазса?
От кюйдюрген, сау болса да, тот кюйдюрген, сау болмаз.
Узун джолну барсанг, бюгюн келирсе, къысха джолну барсанг, тамбла келирсе.
Ашха уста, юйюнде болсун
Тойгъан джерден туугъан джер игиди.
Этим кетсе да, сюегим къалыр.
Мал кёб болса, джууукъ кёб болур.
Кенгеш болса, уруш болмаз.
Акъылсызны джууукъгъа алма, акъыллыны кенгнге салма.
Айырылмаз джууугъунга, унутмаз сёзню айтма.
Ашхы сёз таш тешер.
Ашыкъгъанны этеги бутуна чырмалыр.
Артына баргъанны, къатына барма.
Уллу суу бла уллу ауруудан башынгы сакъла.
Бюгюн дуния кибик, тамбла ахыратды.
Ата Джуртун танымагъан, атасын да танымаз.
Ханы къызы буюгъа-буюгъа киштик болду.
Акъыл бла адеб эгизледиле.
Таукел тауну аудурур.
Джангыз торгъай джырламаз.
Ёлюр джаннга, ёкюл джокъ.
Чомарт къолда мал къалмаз.
Уллу айтханны этмеген – уллаймаз.
Мухардан ач ычхынмаз.
Аманнга алтын чыдамаз.
Хатерли къул болур.
Джолунга кёре – джюрюшюнг, джагъанга кёре – юлюшюнг.
Уллу къашыкъ эрин джыртар.
Джашлыкъ этмеген, башлыкъ этмез.
Башынга джетмегенни сорма.
Агъач – джерни чырайы, кийим – эрни чырайы.
Окъугъан озар, окъумагъан тозар.
Мадар болса, къадар болур.
Чалманны аллы къалай башланса, арты да алай барады.
Эки ойлашыб, бир сёлешген.
Тёрдеги кюлсе, эшикдеги ышарыр.
Бети бедерден, намыс сакълама.
Юй кюйдю да, кюйюз чыкъды, ортасындан тюйюш чыкъды.
Эркиши – от, тиширыу – суу.
Хантына кёре тузу, юйюне кёре къызы.
Чакъырылмагъан къонакъ – орунсуз.

Логин:
Пароль:
	Запомнить меня на этом компьютере

Забыли свой пароль?
Регистрация